សាររបស់អគ្គនាយកប្រតិបត្តិ
សូមស្វាគមន៍មកកាន់គេហទំព័ររបស់ក្រុមហ៊ុនភេសជ្ជៈកម្ពុជា (កូកា-កូឡា)។ យើងខ្ញុំមានក្តីសោមនស្សរីករាយក្រៃលែងដែលលោកអ្នកចំណាយពេលវេលាដ៏មានតម្លៃរបស់លោកអ្នកមកស្វែងយល់អំពីក្រុមហ៊ុន ការងារ ក៏ដូចជាក្រុមការងាររបស់ក្រុមហ៊ុនយើងខ្ញុំនេះ។
ក្រុមហ៊ុន កូកា-កូឡា យើងខ្ញុំមានចក្ខុវិស័យក្នុងការបង្កើតម៉ាកយីហោ និងផ្តល់ជម្រើសភេសជ្ជៈជាច្រើនប្រភេទដែលប្រជាជនកម្ពុជាចូលចិត្ត ព្រមទាំងផ្តល់នូវភាពស្រស់ស្រាយទាំងផ្នែករាងកាយ និងស្មារតីជូនដល់ពួកគាត់ផងដែរ។ យើងមានចក្ខុវិស័យច្បាស់លាស់ក្នុងការកសាងអាជីវកម្មមួយប្រកបដោយនិរន្តរភាព ដើម្បីកសាងអនាគតរួមគ្នាដ៏ល្អ និងកាន់តែល្អប្រសើរ សម្រាប់ការរស់នៅរបស់ប្រជាជន សហគមន៍ និងពិភពលោកទាំងមូល។
យើងប្រើប្រាស់ភាពជាអ្នកដឹកនាំរបស់យើងជាផ្នែកមួយនៃដំណោះស្រាយ ដើម្បីសម្រេចឱ្យបាននូវការផ្លាស់ប្តូរវិជ្ជមាននៅក្នុងពិភពលោក។ យើងវិនិយោគដើម្បីកែប្រែជីវភាពរស់នៅរបស់ប្រជាជនឱ្យកាន់តែល្អប្រសើរជាងមុន ដែលគិតចាប់ពីបុគ្គលិករបស់យើង អ្នកដែលមានទំនាក់ទំនងជាមួយអាជីវកម្មរបស់យើង រហូតដល់សហគមន៍ជាច្រើនផ្សេងៗទៀតដែលយើងចាត់ទុកជាផ្ទះរបស់យើងផងដែរ។
គំនិតផ្តួចផ្តើមពិភពលោកគ្មានសំរាមរបស់យើងគឺជាយុទ្ធសាស្រ្តច្បាស់លាស់មួយដើម្បីប្តេជ្ញាប្រមូលមកវិញនូវដបជ័រ ឬកំប៉ុងទាំងអស់ដែលយើងបានលក់ នៅត្រឹមឆ្នាំ 2030 ដើម្បីធ្វើការកែច្នៃ និងប្រើប្រាស់ឡើងវិញ។ យើងកំពុងខិតខំប្រឹងប្រែងសហការយ៉ាងសស្រាក់សស្រាំជាមួយក្រុមហ៊ុនផលិតផ្សេងៗ អ្នកលក់រាយ បុគ្គលិកផ្នែកអប់រំ និងរាជរដ្ឋាភិបាលកម្ពុជា ដើម្បីឱ្យកិច្ចប្រឹងប្រែងទាំងនេះទទួលបានជោគជ័យ និងមានប្រសិទ្ធភាព។
យើងកំពុងបង្កើតវប្បធម៌ដ៏រស់រវើកមួយនៅក្រុមហ៊ុនភេសជ្ជៈកម្ពុជា (កូកា-កូឡា)ដែលនៅទីនេះយើងខិតខំប្រឹងប្រែងជារៀងរាល់ថ្ងៃដើម្បីផ្តល់សិទ្ធិអំណាចដល់បុគ្គលិករបស់យើង ផ្តល់លទ្ធភាពទទួលបានឱកាសស្មើៗគ្នា និង
វប្បធម៌នៃការយកចិត្តទុកដាក់ដូចៗគ្នាចំពោះបុគ្គលិកទាំងអស់នៅកន្លែងធ្វើការដោយប្រើប្រព័ន្ធឌីជីថល។ យើងគឺជាក្រុមហ៊ុនឈានមុខគេដែលផ្ដោតការយកចិត្តទុកដាក់ជាសកលទៅលើស្រ្តី និងជាតិពន្ធុតាមរយៈ មធ្យោបាយនៅក្នុងប្រទេស ដែលមានកម្មវិធីផ្សេងៗដូចជា ការយកចិត្តទុកដាក់ចំពោះសង្គម និង បុគ្គលិកនៅក្នុងក្រុមហ៊ុនផងដែរ។ យើងនឹងក្លាយជាក្រុមហ៊ុនដែលមានភាពចម្រុះ ដូចគ្នាទៅនឹងអ្នកពិសាភេសជ្ជៈរបស់យើង នៅពេលដែលយើងក្លាយជាអាជីវកម្មដែលផ្តោតការយកចិត្តទុកដាក់ចំពោះបុគ្គលគ្រប់រូបជាងមុន។
យើងសង្ឃឹមថា អ្នករីករាយក្នុងការទស្សនាគេហទំព័ររបស់យើង និងសូមទាក់ទងមកកាន់យើងខ្ញុំ ប្រសិនបើអ្នកចង់ស្វែងយល់បន្ថែមទៀតអំពីក្រុមហ៊ុនភេសជ្ជៈកម្ពុជា (កូកា-កូឡា) ឱកាសការងារនៅក្នុងក្រុមហ៊ុន និងកម្មវិធីសហគមន៍របស់យើង ឬព័ត៌មានផ្សេងៗទៀតដែលអ្នកចង់ដឹង។