បុគ្គលិករបស់យើងមានភាពជាពិពិធភាព
ពិពិធភាព និងបរិយាបន្ន គឺជាចំណុចស្នូលនៃគុណតម្លៃ និងយុទ្ធសាស្រ្តកំណើនរបស់យើង ព្រមទាំងដើរតួនាទីយ៉ាងសំខាន់នៅក្នុងធានាភាពជោគជ័យរបស់ក្រុមហ៊ុន។
យើងប្រើប្រាស់គុណប្រយោជន៍នៃភាពចម្រុះរបស់បុគ្គលិកនៅទូទាំងពិភពលោកដើម្បីសម្រេចគោលបំណងរបស់យើងក្នុងការនាំមកនូវភាពស្រស់ស្រាយ និងភាពរីកចម្រើនសម្រាប់ពិភពលោកទាំងមូល។
សម្រាប់ក្រុមហ៊ុន ភេសជ្ជៈកម្ពុជា (កូកា-កូឡា) ការរៀបចំបុគ្គលិកប្រកបដោយពិពិធភាព និងកន្លែងធ្វើការដែលមានវប្បធម៌បរិយាបន្ន គឺជាចំណុចអាទិភាពនៅក្នុងអាជីវកម្មបែបយុទ្ធសាស្រ្ត ដែលជំរុញឱ្យមានភាពច្នៃប្រឌិត នវានុវត្តន៍ និងការភ្ជាប់ទំនាក់ទំនងកាន់តែល្អប្រសើរជាមួយសហគមន៍ដែលយើងធ្វើប្រតិបត្តិការ។
អ្នកស្រី Lori George Billinglsey ប្រធានផ្នែកភាពចម្រុះ និងបរិយាបន្ន (ការយកចិត្តទុកដាក់ចំពោះបុគ្គលទាំងអស់) (Chief Diversity and Inclusion Officer) បានថ្លែងថា៖
“យើងសម្រេចបានលទ្ធផលល្អនៅពេលបុគ្គលទាំងអស់អង្គុយធ្វើការងាររួមគ្នា…។ តាមរយៈការធ្វើទីផ្សាររបស់ខ្លួន និងកិច្ចការផ្សេងៗទៀត ក្រុមហ៊ុន Coca-Cola ទទួលបានកេរ្តិ៍ឈ្មោះជាម៉ាកយីហោដែលមានលក្ខណៈបរិយាបន្នបំផុតនៅក្នុងពិភពលោក។ តើការប្រកាន់យកវប្បធម៌បែបនេះមានន័យថា យើងមានទំនួលខុសត្រូវកាន់តែខ្ពស់ក្នុងនាមជាក្រុមហ៊ុន “ដែលអនុវត្តនូវអ្វីដែលយើងបានអះអាង” ថាជាតួអង្គឈានមុខផ្នែកវប្បធម៌ចម្រុះ និងបរិយាបន្ន ទាំងក្នុង និងក្រៅប្រព័ន្ធរបស់យើង មែនដែរឬទេ?
អ្នកស្រីបានបន្ថែមថា៖ “ពិតហើយ យើងដាច់ខាតត្រូវតែប្រកាន់ខ្ជាប់នូវគោលការណ៍នេះ។ យើងត្រូវតែអភិវឌ្ឍខ្លួនឱ្យមានភាពលេចធ្លោជាងគេ សម្រាប់អាជីវកម្ម បុគ្គលិក និងសហគមន៍របស់យើង។ នៅក្នុងការយល់ឃើញរបស់ដៃគូ និងអ្នកផ្គត់ផ្គង់របស់យើង យើងគឺជាតួអង្គឈានមុខគេដ៏មានថ្វីមាត់ និងមានភាពសកម្ម នៅក្នុងលំហនៃពិពិធភាព និងបរិយាបន្ន ហើយជាញឹកញាប់ យើងមានការទទួលស្គាល់ពីមជ្ឈដ្ឋានខាងក្រៅនៅក្នុងការស្ទង់មតិ និងការប្រគល់ពានរង្វាន់នានាជាក្រុមហ៊ុនដែលស្ថិតក្នុងលំដាប់ថ្នាក់ល្អប្រសើរបំផុតផ្នែកគោលនយោបាយ និងការអនុវត្តវប្បធម៌នៃពិពិធភាព”។
ក្រុមហ៊ុនរបស់យើងបានកំណត់ឥរិយាបថរីកចម្រើនមួយចំនួនសម្រាប់ធ្វើជាមូលដ្ឋានគ្រឹះនៃវប្បធម៌ ដែលយើងសង្ឃឹមថានឹងអាចកសាងឡើងនៅក្នុងពេលខាងមុខ។ “បរិយាបន្ន” គឺជាឥរិយាបថមួយនៃឥរិយាបថរីកចម្រើនទាំងនេះ។ ដូច្នេះជាប្រការសំខាន់ដែលត្រូវបង្ហាញថា បរិយាបន្នគឺជាចំណុចអាទិភាពសម្រាប់អាជីវកម្មរបស់យើង ហើយបុគ្គលទាំងអស់ត្រូវអនុវត្តដោយប្រកាន់ខ្ជាប់នូវផ្នត់គំនិតយកចិត្តទុកដាក់ចំពោះបុគ្គលទាំងអស់ (បរិយាបន្ន)។
យើងមិនមែនត្រឹមតែមានបំណងក្នុងការឆ្លុះបញ្ចាំងអំពីភាពចម្រុះនៃសហគមន៍ដែលយើងប្រតិបត្តិការប៉ុណ្ណោះទេ ប៉ុន្តែយើងក៏មានគោលដៅក្នុងការដឹកនាំ និងគាំទ្រឱ្យមានអនាគតរួមកាន់តែល្អប្រសើរផងដែរ។