យើងប្តេជ្ញាចិត្តចំពោះពិភពលោកគ្មានសំរាម
ចក្ខុវិស័យរបស់យើង៖ ក្រុមហ៊ុន កូកា-កូឡា
បានធ្វើការប្តេជ្ញាចិត្តថ្នាក់ពិភពលោកដ៏ចម្បងមួយចំពោះពិភពលោកគ្មានសំរាម។ នៅត្រឹមឆ្នាំ២០២៥ ១០០% នៃសម្បកវេចខ្ចប់របស់យើងត្រូវតែអាចយកទៅកែច្នៃប្រើប្រាស់ឡើងវិញបាន។ នៅត្រឹមឆ្នាំ២០៣០ យើងមានគោលដៅថា ៥០%នៃសម្បកវេចខ្ចប់របស់យើងត្រូវតែកើតចេញពីប្លាស្ទិចដែលបានកែច្នៃរួច។ ហើយនៅឆ្នាំ២០២៥ យើងមានបំណងប្រមូលសំណល់ប្លាស្ទិចដើម្បីយកទៅកែច្នៃប្រើប្រាស់ឡើងវិញឱ្យបានស្មើនឹងចំនួនសំបកវេចខ្ចប់ដែលយើងបានប្រើប្រាស់សម្រាប់វេចខ្ចប់ភេសជ្ជៈរបស់យើង។
វឌ្ឍនភាពរបស់យើងក្នុងឆ្នាំ២០២០
ទឹកប្រាក់ចំនួន ៥៥ម៉ឺនដុល្លារត្រូវបានចំណាយលើកម្មវិធីទទួលខុសត្រូវសង្គមរបស់សាជីវកម្ម (CSR)។
ទឹកប្រាក់ចំនួន ៨៨.០០០ដុល្លារត្រូវបានវិនិយោគលើធុងបែកចែកសំរាម។
ធុងបែងចែកសំរាមចំនួន ៨៥០ធុងត្រូវបានផ្តល់ជូនសាលារៀន និងសហគមន៍ចំនួន១២០។
ទឹកប្រាក់ចំនួន ២៥.០០០ដុល្លារត្រូវបានវិនិយោគលើការស្រាវជ្រាវនិងអភិវឌ្ឍន៍គំនិតផ្តួចផ្តើមកែច្នៃប្រើប្រាស់ឡើងវិញក្នុងមូលដ្ឋាន។
សំរាមប្លាស្ទិចចំនួន ៤០០តោនត្រូវបានប្រមូល និងកែច្នៃប្រើប្រាស់ឡើងវិញ។
ប្លាស្ទិចកែច្នៃឡើងវិញចំនួន ១០០តោន ត្រូវបានប្រើប្រាស់ក្នុងការវេចខ្ចប់របស់យើង
សម្បកវេចខ្ចប់ប្រកបដោយនិរន្តរភាព
យើងគឺជាក្រុមហ៊ុនផលិតកម្មកម្ពុជាដំបូងគេដែលចាប់ផ្តើមប្រើប្រាស់ដបភេសជ្ជៈពីប្លាស្ទិចកែច្នៃប្រើប្រាស់ឡើងវិញ ១០០%! យើងកែច្នៃប្រើប្រាស់ឡើងវិញបាវស្កររបស់យើងធ្វើជា “ថង់ស្រាប់ជីវិត” ដែលយើងផ្គត់ផ្គង់ទៅកាន់ផ្សារទំនើប ដើម្បីបង្អាក់មនុស្សកុំឱ្យប្រើប្លាស្ទិចប្រើបានតែម្តង។ អ្នកវិទ្យាសាស្រ្តរបស់ក្រុមហ៊ុន កូកា-កូឡា នៅជុំវិញពិភពលោក កំពុងស្រាវជ្រាវសម្បកវេចខ្ចប់ដែលអាចកែច្នៃប្រើប្រាស់ឡើងវិញថ្មីៗ ដើម្បីជួយយើងឱ្យកសាងពិភពលោកគ្មានសំរាម។
ភាពជាដៃគូសម្រាប់អនាគតរួមគ្នាកាន់តែប្រសើរ
យើងកំពុងបង្កើត និងផ្តល់មូលនិធិដល់ភាពជាដៃគូនានាជាមួយរដ្ឋាភិបាល អាជីវកកម្ម និងសហគមន៍ ដើម្បីធ្វើឱ្យសេដ្ឋកិច្ចវិលជុំរបស់ប្រទេសកម្ពុជារីកចម្រើន ដើម្បីកាត់បន្ថយសំណល់ និងការពារមរតកវប្បធម៌ដ៏ផូរផង់របស់កម្ពុជា។
ដៃគូរបស់យើង
ក្រសួងរបស់រដ្ឋាភិបាលចំនួន ១០
អង្គការសហគមន៍ចំនួន ៤
អ្នកទិញសំរាមចំនួន ១
អ្នកចែកចាយចំនួន ១៣
ប្រមូល និងកែច្នៃប្រើប្រាស់ឡើងវិញ
តាមរយៈការប្រមូលនិងការកែច្នៃប្រើប្រាស់ឡើងវិញនូវសំណល់ ១០០% នៃសម្បកវេចខ្ចប់ដែលយើងផលិតបាន យើងអាចយកសម្បកវេចខ្ចប់នីមួយៗដែលយើងលក់មកប្រើប្រាស់បានលើសពីម្តង។
ដើម្បីជួយដោះស្រាយបញ្ហាសំណល់របស់យើង និងផ្តល់ជីវិតម្តងទៀតដល់សម្បកវេចខ្ចប់ដែលអាចកែច្នៃប្រើប្រាស់ឡើងវិញបាន យើងកំពុង៖
លើកកម្ពស់ការប្រមូលសំរាមតាមរយៈការដាក់ពង្រាមធុងសំរាមចំនួន ៨៥០ធុងក្នុងសាលារៀន និងសហគមន៍ចំនួន ១២០ទីតាំងនៅទូទាំងប្រទេសកម្ពុជា។
បង្កើនការយល់ដឹងជាសាធារណៈអំពីការបែងចែកសំរាម។
ដាក់ដំណើរការ #កម្មវិធីទិញសម្បកវេចខ្ចប់ប្លាស្ទិចមកវិញ ដោយភ្ជាប់ទំនាក់ទំនងអ្នកកែច្នៃសំណល់ក្នុងមូលដ្ឋានជាមួយអ្នកលក់រាយ។
ពង្រីកសមត្ថភាពប្រមូលសំរាមនៅទូទាំងប្រទេស ដើម្បីកែច្នៃសំរាមចំនួន ៤០០តោន ដែលបើមិនកែច្នៃទេ សំរាមទាំងនោះនឹងត្រូវបានយកទៅចាក់ចោលនៅទីលានចាកសំរាម។
គាំទ្រសេដ្ឋកិច្ចវិលជុំតាមរយៈការគាំទ្រដល់ការអភិវឌ្ឍហេដ្ឋារចនាសម្ព័ន្ធ និងសមត្ថភាពកែច្នៃសំរាម ប្រើប្រាស់ឡើងវិញក្នុងមូលដ្ឋាន។
លាហើយសម្បកវេចខ្ចប់ប្រើបានតែម្តង សួស្តីសម្បកវេចខ្ចប់វិលជុំ
មិនដូចទៅនឹងសេដ្ឋកិច្ចបន្ទាត់ត្រង់បែបប្រពៃណី (ផលិត ប្រើប្រាស់ បោះចោល) សេដ្ឋកិច្ចវិលជុំបង្កើតតម្លៃអតិបរមាពីសម្ភារ និងផលិតផលក្នុងពេលប្រើប្រាស់ ក្រោយមកស្តារឡើងវិញ និងបង្កើតសម្ភារនិងផលិតផលទាំងនោះឡើងវិញ។