យើងជឿជាក់លើការផ្តល់ភាពអង់អាចដល់បុគ្គលិករបស់យើង ការបង្កើតឱកាសស្មើគ្នា និងកសាង
បរិយាបន្ន។ ពិពិធភាព និងបរិយាបន្ន គឺជាចំណុចស្នូលនៃគុណតម្លៃ និងយុទ្ធសាស្រ្តក្នុងការលូតលាស់របស់យើង ព្រមទាំងដើរតួនាទីយ៉ាងសំខាន់នៅក្នុងការធានាភាពជោគជ័យរបស់ក្រុមហ៊ុនផងដែរ។ យើងប្រើប្រាស់គុណប្រយោជន៍នៃភាពចម្រុះរបស់បុគ្គលិកនៅទូទាំងពិភពលោកដើម្បីសម្រេចគោលបំណងរបស់យើងក្នុងការនាំមកនូវភាពស្រស់ស្រាយ និងភាពរីកចម្រើនសម្រាប់ពិភពលោកទាំងមូល។
ក្រុមហ៊ុន ភេសជ្ជៈកម្ពុជា (កូកា-កូឡា) មានមោទនភាពចំពោះភាពចម្រុះនៃក្រុមការងាររបស់យើងខ្លាំងណាស់ ដែលក្នុងនោះយើងអនុវត្តយ៉ាងសកម្មនៅក្នុងការលើកកម្ពស់បុគ្គលិកស្រ្តីឱ្យឡើងកាន់តួនាទីជាន់ខ្ពស់ នៅក្នុងមុខដំណែងគណៈគ្រប់គ្រងរបស់ក្រុមហ៊ុនយើង ឬនៅក្នុងតួនាទីផ្សេងៗ ដូចជាអ្នកបើកបររថយន្តដឹកទំនិញ និងអ្នកបើកបររថយន្តលើកទំនិញ ដែលជាទូទៅត្រូវបានកត់សម្គាល់ឃើញថាជាប្រភេទការងារសម្រាប់បុរស។
បច្ចុប្បន្ន បុគ្គលិកស្រ្តីរបស់យើងមានចំនួន 30% ហើយយើងកំពុងតែខិតខំប្រឹងប្រែងបន្តទៀតដើម្បីបង្កើនចំនួននេះឱ្យដល់ 50% នៅក្នុងរយៈពេល 5 ឆ្នាំខាងមុខ។ យើងកំពុងអនុវត្តកម្មវិធីពិសេសៗ ដើម្បីបង្កើតស្មារតីសហគមន៍ និងគាំទ្រស្រ្តីនៅក្នុងចំណោមបុគ្គលិករបស់យើង។
សម្រាប់ក្រុមហ៊ុនភេសជ្ជៈកម្ពុជា ការរៀបចំបុគ្គលិកប្រកបដោយពិពិធភាព និងកន្លែងធ្វើការដែលមានវប្បធម៌បរិយាបន្ន គឺជាយុទ្ធសាស្រ្តអាទិភាពនៅក្នុងអាជីវកម្ម ដែលជំរុញឱ្យមានភាពច្នៃប្រឌិត នវានុវត្តន៍ និងការភ្ជាប់ទំនាក់ទំនងកាន់តែល្អប្រសើរជាមួយសហគមន៍ដែលយើងធ្វើប្រតិបត្តិការ។ យើងមិនមែនត្រឹមតែមានបំណងក្នុងការឆ្លុះបញ្ចាំងអំពីភាពចម្រុះនៃសហគមន៍ដែលយើងប្រតិបត្តិការប៉ុណ្ណោះទេ ប៉ុន្តែយើងក៏មានគោលដៅក្នុងការដឹកនាំ និងគាំទ្រឱ្យមានអនាគតរួមកាន់តែល្អប្រសើរផងដែរ។
យើងជឿជាក់លើការទទួលយកតួនាទីដឹកនាំក្នុងគម្រោងពិភពលោកគ្មានសំរាម តាមរយៈការធ្វើឱ្យសំបកវេចខ្ចប់របស់យើងក្លាយជាសេដ្ឋកិច្ចវិលជុំ។
នៅក្នុងប្រទេសកម្ពុជា បច្ចុប្បន្នយើងផលិតដបទឹកបរិសុទ្ធ Dasani របស់យើងចេញពីសំណល់ប្លាស្ទិកដែលអាចកែច្នៃឡើងវិញបាន ហើយយើងកំពុងសហការជាមួយរដ្ឋាភិបាល និងដៃគូវិស័យឯកជន ដើម្បីលើកកម្ពស់ការកែច្នៃឡើងវិញនៅក្នុងព្រះរាជាណាចក្រកម្ពុជា ដោយបានបង្កើតជាមជ្ឈមណ្ឌលកែច្នៃឡើងវិញនៅតាមសាលារៀននៅក្នុងរាជធានីភ្នំពេញ ដើម្បីជួយអប់រំ និងជំរុញប្រជាពលរដ្ឋជំនាន់ក្រោយឱ្យចូលរួមនៅក្នុងការលើកកម្ពស់អនាគតរួមគ្នាកាន់តែល្អប្រសើរ។
ផ្ទាំងសូឡានៅលើដំបូលរោងចក្ររបស់យើងនៅរាជធានីភ្នំពេញអាចផ្តល់ថាមពល 30% នៃតម្រូវការថាមពលរបស់យើង ចំណែកប្រព័ន្ធប្រព្រឹត្តិកម្មទឹកកខ្វក់របស់យើងត្រូវបានរៀបចំឡើងដើម្បីធានាថា ដំណើរការផលិតរបស់យើងនឹងមិនបញ្ចេញទឹកកខ្វក់ចូលទៅក្នុងបរិស្ថានវិញឡើយ។