របាយការណ៍ស្តីពីដំណើរផ្តល់អំណាចដល់ស្រ្តីឆ្នាំ២០២០
ចក្ខុវិស័យ៖ មានបុគ្គលិកស្រ្តី ៥០% នៅត្រឹមឆ្នាំ២០២៥ ស្ត្រីគឺជាឆ្អឹងខ្នងរបស់សង្គមយើង និងសេដ្ឋកិច្ចជាតិ។ នៅក្រុមហ៊ុន កូកា-កូឡា យើងកំណត់គោលដៅមានបុគ្គលិកស្រ្តីចំនួន ៥០% នៅត្រឹមឆ្នាំ២០២៥។ ដើម្បីសម្រេចគោលដៅនេះ យើងបានដាក់អនុវត្តទិសដៅជ្រើសរើសបុគ្គលិក ការបណ្តុះបណ្តាលក្នុងពេលបំពេញការងារ និងកម្មវិធីគាំទ្រនានា ដើម្បីធានាថា ស្រ្តីទទួលបានកន្លែងដ៏ត្រឹមត្រូវរបស់ពួកគេនៅក្នុងកម្លាំងពលកម្មរបស់យើង។ វឌ្ឍនៈភាពរបស់យើង បុគ្គលិកសរុបមានចំនួន ៨៧៥នាក់ និយោជិតស្រ្តីមានចំនួន ២៧០នាក់ បុគ្គលិកស្រ្តីមានចំនួន ៣១% នៅឆ្នាំ២០២០ ៣៧% នៃបុគ្គលិកស្រ្តីស្ថិតក្នុងតួនាទីដឹកនាំ ១០០% នៃបុគ្គលិកស្រ្តីចូលរួមក្នុងការបណ្តុះបណ្តាលក្នុងពេលធ្វើការងារ ៤០% នៃថវិកាអភិវឌ្ឍន៍បុគ្គលិកសរុបរបស់យើង ត្រូវបានវិនិយោគលើការអភិវឌ្ឍបុគ្គលិកស្រ្តី វិធីសាស្រ្តរបស់យើង ការជ្រើសរើសបុគ្គលិក យើងធានាថា យ៉ាងហោចណាស់ ៥០% នៃបេក្ខជនបេក្ខនារីសម្រាប់តំណែងការងារទំនេរនៅក្រុមហ៊ុនរបស់យើង គឺរក្សាទុកសម្រាប់ស្រ្តី។...