ប្រវត្តិរបស់ក្រុមហ៊ុន CBCL
ក្រុមហ៊ុនរបស់យើងខ្ញុំបាននាំយកមកនូវភេសជ្ជៈដែលផ្ដល់នូវអារម្មណ៍ស្រស់ស្រាយជូន
ប្រជាពលរដ្ឋកម្ពុជា ចាប់តាំងពីដបដំបូងគេបង្អស់របស់ភេសជ្ជៈកូកា-កូឡាបានចូលមកដល់ក្នុងដៃរបស់អតិថិជនកម្ពុជាកាលពីទសវត្សរ៍ឆ្នាំ1960 មកម្ល៉េះ។ ក្រុមហ៊ុនភេសជ្ជៈកម្ពុជា (កូកា-កូឡា)បានចាប់ផ្តើមផលិតភេសជ្ជៈដែលមានប្រជាប្រិយភាពជាងគេនៅប្រទេសកម្ពុជានេះ ចាប់តាំងពីឆ្នាំ1993 មកម្ល៉េះ ហើយយើងបានពង្រីកវិសាលភាពអាជីវកម្មរបស់យើងរហូតបានក្លាយទៅជាក្រុមហ៊ុនមួយក្នុងចំណោមក្រុមហ៊ុនដែលឈានមុខគេនៅក្នុងព្រះរាជាណាចក្រកម្ពុជា។ លើសពីនេះទៅទៀត យើងបានផ្តល់ការងារជូនដល់ប្រជាពលរដ្ឋកម្ពុជារាប់ម៉ឺននាក់ និងបានវិនិយោគទឹកប្រាក់រាប់រយលានដុល្លារទៅលើការអភិវឌ្ឍន៍ធនធានមនុស្ស ហេដ្ឋារចនាសម្ព័ន្ធ បច្ចេកវិទ្យាថ្មីៗ និងសហគមន៍ដែលយើងកំពុងផ្តល់សេវាកម្មជូនសព្វថ្ងៃនេះ។ ក្រុមហ៊ុនយើងខ្ញុំគឺជាក្រុមហ៊ុនផ្តាច់មុខខាងផលិតភេសជ្ជៈដែលផ្តល់ភាពស្រស់ស្រាយជូនដល់ប្រជាជនកម្ពុជាអស់រយៈពេលជាង 60ឆ្នាំមកហើយ។