កម្មវិធីប្រកួតក្នុងបណ្តាញផ្សព្វផ្សាយសង្គម “PASS ON THE MAGIC”
លក្ខន្ដិក:
ក. លក្ខខណ្ឌចូលរួម
សម្គាល់សំខាន់ៗ៖ សូមធ្វើការអានខ និងលក្ខខណ្ឌ ទាំងនេះ (តទៅនេះហៅថា “ខ និងលក្ខខណ្ឌ”) មុននឹងចូលរួមក្នុងការប្រកួតនេះ (តទៅនេះហៅថា “ការប្រកួត”) ដែលរៀបចំដោយ ក្រុមហ៊ុន ខេមបូឌា បេវេរេដ ខមប៉ានី លីមីធីត ដោយផ្ទាល់ ឬតាមរយៈភ្នាក់ងារស្របច្បាប់ (តទៅនេះ រួមគ្នាហៅថា “ក្រុមហ៊ុន”)។ តាម រយៈការចូលរួមក្នុងការប្រកួតនេះ អ្នកបញ្ជាក់ថាអ្នកបានអាន យល់ និងយល់ព្រមគោរពតាមខ និងលក្ខខណ្ឌនេះ។
ការប្រកួតនេះមានសុពលភាពចាប់ពីថ្ងៃទី ២៣ ខែមិថុនា ឆ្នាំ ២០២៣ ដល់ ថ្ងៃទី ១៨ ខែសីហាឆ្នាំ២០២៣តែប៉ុណ្ណោះ និង អាចចូលរួមបានចំពោះអ្នកចូលរួមគ្រប់រូបដែលបំពេញលក្ខខណ្ឌ ដូចខាងក្រោម (តទៅនេះហៅថា “អ្នកចូលរួម”)៖
២. ស្នាក់នៅក្នុងទឹកដីនៃប្រទេស កម្ពុជា។
៣. មានអាយុយ៉ាងតិច ១៦ឆ្នាំឡើង។
៤. យល់ព្រមតាមខ និងលក្ខខណ្ឌ និងគោលការណ៍ឯកជនភាពដែលត្រូវអនុវត្តចំពោះការប្រកួតនេះ។ សម្រាប់អ្នកចូលរួមដែលមានអាយុក្រោម១៦ឆ្នាំតាមរយៈការចូលរួមក្នុងការប្រកួតនេះអ្នកចូលរួមបានប្រកាសថាពួកគេបានទទួលការអនុញ្ញាតពីមាតាបិតារបស់ពួកគេឬអាណាព្យាបាលស្របច្បាប់ដើមី្បចូលរូមក្នុងកម្មវិធីផ្សព្វផ្សាយពាណិជ្ជកម្ម (តទៅនេះហៅថា “ប្រម៉ូសិន”) នេះ ហើយនឹងគោរពតាមខ និងលក្ខខណ្ឌ និងគោលការណ៍ឯកជនភាពដែលត្រូវអនុវត្តនៅក្នុងការប្រកួតនេះ។
៥.មានអត្តសញ្ញាណប័ណ្ណដែលមានសុពលភាព(និងឯកសារធ្វើដំណើរ/លិខិតឆ្លងដែនដែលមានសុពលភាព); និង
៦. (ក) មិនមែនជានិយោជិត និងសមាជិកគ្រួសារផ្ទាល់ (ដូចជា សហព័ន្ធ មាតាបិតា បងប្អូនបង្កើត កូន និងសហព័ន្ធរបស់ពួកគេម្នាក់ៗ ល។) របស់ក្រុមហ៊ុន ដៃគូសហការ អ្នកចែកចាយ ភ្នាក់ងារ ក្រុមហ៊ុន ឬអាជីវកម្មដែលចូលរួមពាក់ព័ន្ឌនឹងការប្រកួតនេះព្រមទាំងក្រុមហ៊ុនមេក្រុមហ៊ុនសម្ព័ន្ធក្រុមហ៊ុនបុត្រសម្ព័ន្ធនិងក្រុមហ៊ុនពាក់ព័ន្ធរបស់ពួកគេ(តទៅនេះរួមគ្នាហៅថា”ក្រុមហ៊ុនសម្ព័ន្ធ”)(ខ)មិនត្រូវបានហាមឃាត់ក្រោមច្បាប់នៃប្រទេសកំណើតប្រទេសនៃទីលំនៅឬលំនៅឋានរបស់អ្នកចូលរួមក្នុងការចូលរួមលេងល្បែងផ្សងសំណាង និង/ឬជំនាញនានា ឬការប្រកួតនេះ។
៧.ប្រសិនបើអ្នកឈ្នះមានអាយុក្រោម១៦ឆ្នាំអ្នកឈ្នះត្រូវតែមកទទួលរង្វាន់ជាមួយនឹងមាតាបិតា/អាណាព្យាបាលស្របច្បាប់។ប្រសិនបើមាតាបិតា/អាណាព្យាបាលស្របច្បាប់មកទទួលរង្វាន់ជំនួសអនីតិជន អ្នកតំណាងនោះត្រូវបង្ហាញឯកសារចាំបាច់ដូចខាងក្រោម៖
ឯកសារភស្តុតាងដែលបញ្ជាក់ថាដែលពួកគេជាអាណាព្យាបាលស្របច្បាប់របស់អ្នកឈ្នះ – សៀវភៅគ្រួសារ និងសំបុត្រកំណើត និងអត្តសញ្ញាណប័ណ្ណដែលមានសុពលភាពសម្រាប់ផ្ទៀងផ្ទាត់-
ខ. រយៈពេលនៃការប្រកួត
១. ការប្រកួតនេះចាប់ផ្តើមពី ថ្ងៃទី ២៣ ខែមិថុនា ឆ្នាំ ២០២៣ ហើយបញ្ចប់នៅ ថ្ងៃទី ១៨ ខែសីហា ឆ្នាំ ២០២៣ (តទៅនេះហៅថា “រយៈពេលនៃការប្រកួត”)។
២.រាល់ការចូលរួមដែលមិនទទួលបានក្នុងរយៈពេលនៃការប្រកួតនឹងត្រូវបានដកសិទ្ធិមិនឱ្យចូលរួមការប្រកួតដោយស្វ័យប្រវត្ត។ក្រុមហ៊ុនមិនទទួលខុសត្រូវចំពោះរាល់ការបាត់បង់ការពន្យារពេល ឬការចូលរួមមិនត្រឹមត្រូវនោះទេ។
គ. របៀបចូលរួមការប្រកួត
១. ដើម្បីចូលរួមក្នុងការប្រកួត ៖
អនុវត្តតាមជំហានងាយៗរបស់KOLយើងដែលមានសញ្ញាhashtagដោយយកវីដេអូឬបង្ហោះជាមួយរូបថត ៤សន្លឹកធ្វើតាមជំហាននេះ៖
ក. ចាប់យក កូកា-កូឡា មួយ
ខ. បើកហើយពិសា កូកា-កូឡា
គ. ក្រោកឡើង
ឃ. រីករាយនឹងការសម្រាកដោយសេរី៖ រាំ ច្រៀង រឺសកម្មភាពរស់រវើកណាមួយពីបទចម្រៀង
“Be Who You Are” song at this link: https://www.youtube.com/watch?v=XEsrFIQOWZg
ង. Pass on the magic ទៅអ្នកដទៃ។
វីដេអូឬរូបថតត្រូវតែបង្ហោះក្នុងគណនីផ្ទាល់ខ្លួន(ការកំណត់សាធារណៈ)ដែលមាន hashtag #CocaColaKH#PassOnTheMagicKH
តំណភ្ជាប់វីដេអូនៅក្រោមប្រកាសប្រកាសនិងលើកទឹកចិត្តមិត្តភក្តិឱ្យទទួលយកវេទមន្តវីដេអូចុងក្រោយចំនួន៥ដែលមានការសម្គាល់ខ្ពស់បំផុតបានអនុវត្តតាមលក្ខណៈវិនិច្ឆ័យនៃវីដេអូប្រតិកម្មខ្ពស់បំផុតចំនួន២០ដែលវិនិច្ឆ័យដោយអ្នកផ្សព្វផ្សាយនឹងត្រូវបានផ្តល់រង្វាន់។លក្ខណៈវិនិច្ឆ័យរួមមាន៖
លក្ខណៈវិនិច្ឆ័យ | ពិន្ទុ | ពិន្ទុសរុប | |
គុណភាពវីដេអូឬរូបថត | និយមន័យខ្ពស់ | ១៥ | ៣០ |
សំឡេង/រូបថតច្បាស់ល្អ | ១៥ | ||
គុណភាពនៃការអនុវត្ត | សម្តែងបានល្អ | ១៥ | ៣៥ |
ការច្រៀង / រាំ | ១០ | ||
សម្តែងប្រកបដោយភាពច្នៃប្រឌិត | ១០ | ||
ការចូលចិត្ត ការមើល និងការចែករំលែកច្រើនបំផុត | ១៥ | ១៥ | |
ម៉ាកយីហោ | កន្លែងដាក់និងពិសាកូកាកូឡាមានភាពស្អាតល្អ | ១០ | ២០ |
កាន់កូកាកូឡាពេលច្រៀង/រាំ | ១០ | ||
ពិន្ទុសរុប | ១០០ |
២.រាល់ការចូលរួមទាំងអស់គឺនឹងត្រូវបានសម្រេចជាចុងក្រោយ(តទៅនេះហៅថា“ការចូលរួមដែលមានសុពលភាព”) ដោយក្រុមហ៊ុន(សូមមើលចំណុច គ៥)។
៣.មិនមានដែនកំណត់ចំពោះចំនួនការចូលរួមដែលអ្នកអាចដាក់ស្នើនោះទេប៉ុន្តែការចូលរួមនីមួយៗអាចប្រើបានតែម្តងគត់ ហើយអ្នកអាចឈ្នះបានតែមួយ (១) រង្វាន់តែប៉ុណ្ណោះ។
៤.ក្រុមហ៊ុនមិនទទួលខុសត្រូវចំពោះរាល់ការបាត់បង់ការពន្យារពេលឬការចូលរួមមិនត្រឹមត្រូវនោះទេ។
៥.ការចូលរួមដែលមានសុពលភាពត្រូវតែមានព័ត៌មានលម្អិតដូចមានចែងក្នុងចំណុចគ១ហើយមិនត្រូវមានការយោងដោយផ្ទាល់ឬដោយប្រយោលចំពោះសិទ្ធិលើកម្មសិទ្ធិបញ្ញារបស់តតិយជនណាមួយដោយគ្មានការយល់ព្រមនោះទេ។តាមរយៈការចូលរួមក្នុងការប្រកួតនិងការដាក់ស្នើសុំចូលរួមអ្នកត្រូវបានចាត់ទុកថាបានប្រកាសនិងបញ្ជាក់ថាមិនមានអ្វីនៅក្នុងការចូលរួមនោះនឹងរំលោភបំពានលើសិទ្ធិអ្នកនិពន្ធឬម៉ាកណាមួយឬរំលោភបំពានលើសិទ្ធិឯកជនភាពឬការសម្ងាត់របស់បុគ្គលណាម្នាក់ឡើយហើយត្រូវទទួលខុសត្រូវទាំងស្រុងចំពោះតតិយជនលើការរំលោភឬការបំពានណាមួយ។ការចូលរួមនឹងត្រូវបានដកហូតប្រសិនបើការចូលរួមនោះ(ក)រំលោភលើសិទ្ធិកម្មសិទ្ធិបញ្ញារបស់តតិយជនណាមួយនិង/ឬ(ខ)មានខ្លឹមសារមិនសមរម្យអសីលធម៌ប្រឆាំងប្រមាថមើលងាយជាតិសាសន៍សាសនាខ្លឹមសារនយោបាយ ឬខ្លឹមសារ ឬសកម្មភាពដែលក្រុមហ៊ុនសម្រេចចាត់ទុកថាមិនសមរម្យ ។
ឃ. របៀបយកឈ្នះ
១.អ្នកចូលរួមបានត្រឹមត្រូវនិងល្អជាងគេ២០នាក់នឹងត្រូវបានវាយតម្លៃដោយផ្អែកលើលក្ខណៈវិនិច្ឆ័យចំនួន៧(សូមមើលចំណុចគ១)។ការប្រកួតចុងក្រោយដែលមានសុពលភាពកំពូលទាំង៥នឹងឈ្នះរង្វាន់មួយ(សូមមើលចំណុចង១)។(តទៅនេះហៅថា”អ្នកឈ្នះ”)ការសម្រេចចិត្តលើការឈ្នះគឺជាការសម្រេចចុងក្រោយហើយមិនមានការតវ៉ាណាមួយ(ជាលាយលក្ខណ៍អក្សរឬផ្សេងៗ)នឹងត្រូវយកមកពិនិត្យពិចារណាឡើយ។
២. បញ្ជីឈ្មោះអ្នកឈ្នះនឹងត្រូវបានបង្ហោះនៅលើ Coca-Cola FB Fan Page រហូតដល់ថ្ងៃទី ១៨ ខែសីហា ឆ្នាំ ២០២៣ នៅលើទំព័រហ្វេសបុករបស់ Coca-Cola នៅ https://www.facebook.com/CocaColaKH/ ។
៣.សារអេឡិចត្រូនិកនឹងត្រូវបានផ្ញើតាមរយៈទូរសព្ទដៃទៅកាន់អ្នកឈ្នះនីមួយៗដើម្បីជូនដំណឹងអំពីការឈ្នះក៏ដូចជាការស្នើសុំព័ត៌មានលម្អិត(ឈ្មោះ លេខអត្តសញ្ញាណប័ណ្ណ អ៊ីម៉ែល អាសយដ្ឋាន។ល។) ដើម្បីប្រគល់រង្វាន់ឲ្យបានទាន់ពេលវេលា។
៤.អ្នកឈ្នះត្រូវឆ្លើយតបក្នុងរយៈពេល៧ថ្ងៃចាប់ពីថ្ងៃដែលទទួលបានការជូនដំណឹងក្នុងករណីមិនឆ្លើយតប រង្វាន់នោះនឹងត្រូវដកហូត ហើយអ្នកឈ្នះផ្សេងទៀតនឹងត្រូវបានជ្រើសរើសមកជំនួស។
៥.លុះត្រាតែមានចែងច្បាស់លាស់រង្វាន់ត្រូវបានផ្តល់ឲ្យក្នុងរូបសណ្ឋានដើម’ដូចដែលមាន’ហើយមិនអាចផ្ទេរចរចាប្តូរជាប្រាក់ឬផ្លាស់ប្តូរបានទេ។រង្វាន់ដែលមិនមែនជាសាច់ប្រាក់មិនអាចប្តូរយកជាសាច់ប្រាក់បានទេ។ ក្រុមហ៊ុនរក្សាសិទ្ធិមិនផ្តល់រង្វាន់ ឬផ្នែកណាមួយនៃរង្វាន់នេះ ក្នុងហេតុផលណាមួយ ដល់បុគ្គលណាដែលខកខានមិនបានបំពេញតាមលក្ខខណ្ឌណាមួយដែលបានកំណត់សម្រាប់ការទទួលរង្វាន់។
៦.ក្រុមហ៊ុនមិនមានកាតព្វកិច្ចផ្តល់រង្វាន់ឡើយក្នុងករណីដែលមិនមានការចូលរួមដែលមានសុពលភាពដែលទទួលបានក្នុងរយៈពេលនៃការប្រកួត។ក្នុងករណីបែបនេះឱកាសទទួលបានរង្វាន់នឹងត្រូវលុបចោល។
៧.ក្រុមហ៊ុនក្រុមហ៊ុនសម្ព័ន្ធក្រុមហ៊ុនបុត្រសម្ព័ន្ធនិងក្រុមហ៊ុនដែលពាក់ព័ន្ធរបស់ខ្លួននឹងមិនទទួលខុសត្រូវចំពោះការធានា ការថែទាំ ពន្ធ ឬការចំណាយបន្ថែមណាមួយដែលពាក់ព័ន្ធនឹងរង្វាន់ឡើយ។
ង. រង្វាន់
១. រង្វាន់មានសំបុត្រសរុបចំនួន ៥ គូ (១០ សំបុត្រ) សម្រាប់ដំណើរកម្សាន្តទៅកាន់ប្រទេសកូរ៉េ ៥ ថ្ងៃ សម្រាប់បទពិសោធន៍K-Popនិងរង្វាន់ការប្រគុំតន្ត្រីដែលត្រូវឈ្នះក្នុងអំឡុងពេលប្រកួតប្រជែងដូចខាងក្រោម (“រង្វាន់”)៖
២. ត្រូវមកទទួលរង្វាន់មុនថ្ងៃទី៣០ ខែកញ្ញា ឆ្នាំ២០២៣។
៣. ទីកន្លែងដើម្បីបើកយករង្វាន់ស្ថិតនៅ ក្រុមហ៊ុន ខេមបូឌា បេវេរេដ ខមប៉ានី លីមីធីត។
៤.ចំនួននិងប្រភេទនៃរង្វាន់ដែលនឹងត្រូវផ្តល់ជូនក្នុងការប្រកួតនេះនឹងមិនលើសពីចំនួនដែលមានចែងក្នុងកថាខណ្ឌង១នោះទេ។តាមរយៈការចូលរួមក្នុងការប្រកួតនេះអ្នកទទួលស្គាល់និងយល់ព្រមថានឹងគ្មានករណីណាមួយដែលមានការផ្តល់រង្វាន់លើសពីចំនួនដែលបានចែងឡើយ។
៥. រាល់ការចំណាយបន្ថែម រួមមានជាអាទិ៍ ការចំណាយផ្ទាល់ខ្លួន និងដោយចៃដន្យ ការធានារ៉ាប់រង សេវារដ្ឋាភិបាល ឬសេវាផ្សេងទៀតដែលត្រូវអនុវត្ត គឺជាការទទួលខុសត្រូវរបស់អ្នកឈ្នះ។
ច. សិទ្ធិក្នុងការប្រើប្រាស់
១. តាមរយៈការចូលរួមក្នុងការប្រកួតនេះ អ្នកបានចាត់ចែង និងផ្ទេរទៅឱ្យក្រុមហ៊ុននូវសិទ្ធិទាំងឡាយ សិទ្ធិលើកម្មសិទ្ធិផលប្រយោជន៍និងរាល់កម្មសិទ្ធិបញ្ញាគ្រប់ប្រភេទផ្សេងទៀតទាំងអស់ដែលមានភ្ជាប់ជាមួយនឹងការចូលរួម;រួមមានជាអាទិ៍សិទ្ធិអ្នកនិពន្ធនិងសិទ្ធិតតិយជនរួមជាមួយនឹងសិទ្ធិក្នុងការធ្វើការផ្លាស់ប្តូរការសម្របសម្រួលឬការកែប្រែការចូលរួមក្នុងគោលបំណងផ្សព្វផ្សាយរកទីផ្សារការផ្សាយពាណិជ្ជកម្មនិងការប្រកបអាជីវកម្មដោយអ្នកពុំទទួលបានសំណងពាក់ព័ន្ធនឹងការប្រកួតនេះឡើយ។អ្នកយល់ព្រមធ្វើតាមនិងចុះហត្ថលេខាលើរាល់ឯកសារចាំបាច់ឬតាមការទាមទាររបស់ក្រុមហ៊ុនដើម្បីអនុវត្តសិទ្ធិណាមួយដែលបានចាត់ចែង និងផ្ទេរទៅឱ្យក្រុមហ៊ុននោះ។
២.ក្រុមហ៊ុនមិនទទួលខុសត្រូវចំពោះការទាមទាររបស់អ្នកឬតតិយជនណាមួយឬការទាមទារដែលអាចកើតចេញពីសិទ្ធិដែលបានផ្តល់ឱ្យក្រុមហ៊ុន ទាក់ទងនឹងការប្រកួតនេះឡើយ។
ឆ. លក្ខខណ្ឌផ្សេងៗ
១. រាល់ឯកសារផ្តល់ព័ត៌មានស្ដីពីកម្មវិធីប្រម៉ូសិននេះ រួមមានជាអាទិ៍ ព័ត៌មានលម្អិតអំពីរបៀបចូលរួម និងរង្វាន់ដែលនឹងផ្ដល់ជូនជាផ្នែកមួយនៃខនិងលក្ខខណ្ឌនេះ។ប្រសិនបើមានភាពមិនស៊ីសង្វាក់គ្នារវាងខនិងលក្ខខណ្ឌនេះជាមួយនឹងការផ្សាយពាណិជ្ជកម្មឯកសារព័ត៌មានស្ដីពីការប្រម៉ូសិនឬការផ្សព្វផ្សាយព័ត៌មានជាសាធារណៈណាមួយដែលពាក់ព័ន្ធឬទាក់ទងគ្នាជាមួយនឹងកម្មវិធីប្រកួតនេះនោះខនិងលក្ខខណ្ឌទាំងនេះត្រូវយកមកអនុវត្ត។
២.ការសម្រេចរបស់ក្រុមហ៊ុនលើបញ្ហាទាំងឡាយដែលទាក់ទងនឹងកម្មវិធីប្រម៉ូសិនរួមទាំងការផ្តល់រង្វាន់ គឺជាការសម្រេចចុងក្រោយបង្អស់ និងចងភ្ជាប់កាតព្វកិច្ច។
៣.ព័ត៌មានផ្ទាល់ខ្លួន(រួមទាំងរូបភាព)ដែលប្រមូលបានឬទទួលបានពីអ្នកអាចត្រូវបានប្រើប្រាស់ដោយក្រុមហ៊ុនសម្រាប់គោលបំណងនៃការគ្រប់គ្រងនិងការផ្សព្វផ្សាយពីការប្រកួតរួមមានជាអាទិ៍ការត្រួតពិនិត្យទៅលើជីវប្រវត្តិទាក់ទងនឹងអត្តសញ្ញាណរបស់អ្នកផ្ទៀងផ្ទាត់សិទ្ធិរបស់អ្នកក្នុងការចូលរួមប្រកួត និងទទួលរង្វាន់និងការប្រកាសអំពីអ្នកឈ្នះជាសាធារណៈ។តាមរយៈការចូលរួមក្នុងការប្រកួតនេះអ្នកយល់ព្រមយ៉ាងជាក់លាក់ក្នុងការអនុញ្ញាតឱ្យក្រុមហ៊ុនទាក់ទងទៅអ្នកតាមរយៈប្រព័ន្ធទាក់ទងជាក់លាក់ដែលបានផ្ដល់ជូនសម្រាប់គោលបំណងខាងលើ។
៤. ក្នុងករណីណាក៏ដោយ ក្រុមហ៊ុន ឬក្រុមហ៊ុនសម្ព័ន្ធរបស់គេនឹងមិនទទួលខុសត្រូវ ឬរ៉ាប់រង ចំពោះការខូចខាត ឬការបាត់បង់ណាមួយ ដែលរួមមានជាអាទិ៍ ការខូចខាតដោយផ្ទាល់ ប្រយោល ចៃដន្យជាលទ្ធផលជាសំណងខូចខាតពិសេសឬសំណងទណ្ឌកម្មដែលកើតចេញពីការទទួលយករង្វាន់ការប្រើប្រាស់រង្វាន់ការចូលរួមក្នុងការប្រកួតឬការចូលរួមរបស់អ្នកនៅក្នុងសកម្មភាពណាមួយដែលពាក់ព័ន្ធនឹងរង្វាន់នេះ។តាមរយៈការចូលរួមក្នុងប្រកួតនេះអ្នកមិនទាមទារឱ្យក្រុមហ៊ុនឬក្រុមហ៊ុនសម្ព័ន្ធរបស់គេ ទទួលខុសត្រូវ ចំពោះសិទ្ធិ ការស្នើសុំ ការទាមទារ ដើមហេតុនៃបណ្តឹង ការបាត់បង់ ការខូចខាត ការចំណាយផ្សេងៗដែលអ្នកអាចមានឬដែលអាចកើតឡើងមិនថាទាំងស្រុង ឬដោយផ្នែក និងដោយផ្ទាល់ ឬដោយប្រយោល។
៥. ទោះជាយ៉ាងណាក៏ដោយ ក្រុមហ៊ុនរក្សាសិទ្ធិក្នុងការកែប្រែ បន្ថែម ជំនួស ផ្លាស់ប្តូរ និងឬកែប្រែខ និងលក្ខខណ្ឌនេះដោយមិនមានការជូនដំណឹងជាមុននោះទេ។ការចូលរួមក្នុងការប្រកួតនេះបញ្ជាក់ពីការទទួលយកខ និងលក្ខខណ្ឌនេះ ក៏ដូចជាវិសោធនកម្ម ការបន្ថែម ការជំនួស ការផ្លាស់ប្តូរ និងការកែប្រែនៅទីនេះ ជាខ និងលក្ខខណ្ឌចុងក្រោយ និងចងកាតព្វកិច្ចក្នុងគ្រប់ទិដ្ឋភាពទាំងអស់។
៦.ប្រសិនបើលក្ខខណ្ឌឬផ្នែកណាមួយត្រូវបានចាត់ទុកជាមោឃៈមិនស្របច្បាប់ឬមិនអាចអនុវត្តបានដោយច្បាប់ណាមួយដែលមានសមត្ថកិច្ចគ្រប់គ្រង នោះវានឹងត្រូវចាត់ទុកជាមោឃៈ មិនស្របច្បាប់ ឬមិនអាចអនុវត្តបានត្រឹមផ្នែកនោះនិងមិនត្រូវប៉ះពាល់ឬបង្កឱ្យបាត់បង់ប្រយោជន៍ទៅលើផ្នែកដែលអាចអនុវត្តបានដែលនៅសេសសល់ ឬលក្ខខណ្ឌផ្សេងទៀតនៃការប្រកួតនេះឡើយ។
៧.ការប្រកួតនិងខនិងលក្ខខណ្ឌនេះត្រូវបកស្រាយក្រោមច្បាប់និងគ្រប់គ្រងដោយច្បាប់នៃប្រទេសកម្ពុជា។ភាគីព្រមទទួលយកយុត្តាធិការផ្តាច់មុខនៃតុលាការ ប្រទេសកម្ពុជា។
៨. សម្រាប់គោលការណ៍ឯកជនភាព សូមចូលទៅកាន់ គោលការណ៍ឯកជនភាព។