គោលការណ៍ឯកជនភាព
បេសកកម្មរបស់យើង គឺធ្វើឲ្យពិភពលោកស្រស់ស្រាយ ហើយយើងមិនអាចសម្រេចបេសកកម្មនេះបានដោយគ្មានទំនុកចិត្តរបស់លោកអ្នកនោះឡើយ អាស្រ័យហេតុនេះ យើងខ្ញុំសូមផ្ដល់ជូនលោកអ្នកនូវព័ត៌មានខាងក្រោម ដើម្បីបង្ហាញលោកអ្នកឲ្យបានដឹងថា រាល់គ្រប់ព័ត៌មានទិន្នន័យដែលយើងប្រមូលពីលោកអ្នក និងរបៀបដែលយើងប្រើប្រាស់ទិន្នន័យទាំងនោះ គឺធ្វើឡើងក្នុងគោលបំណងផ្ដល់នូវបទពិសោធន៍ដ៏ល្អ និងស្រស់ស្រាយបំផុត ទៅតាមអ្វីដែលយើងអាចធ្វើបាន។
គោលការណ៍ឯកជនភាពនេះ ពិពណ៌នាអំពីការអនុវត្តរបស់យើង ពាក់ព័ន្ធនឹងព័ត៌មាន ដែលយើងប្រមូលបានតាមរយៈសកម្មភាព ដែលភ្ជាប់ជាមួយនឹងគោលការណ៍ឯកជនភាពនេះ រួមទាំង វេបសាយ (“វេប សាយ” របស់យើង) ព្រមទាំង សៃត៍ចល័ត, កម្មវិធីនានា, វីដជីត និងទម្រង់អន្តរកម្មចល័តផ្សេងទៀត (ជារួមហៅថា “កម្មវិធី” របស់យើង) តាមរយៈសេវាផ្សេង ទៀត ដែលយើងអាចផ្ដល់ជូន ជាប់ទាក់ទងនឹងវេបសាយនិងកម្មវិធីរបស់យើង ដូចជា កម្មវិធីប្រម៉ូសិន កម្មវិធីរង្វាន់ តាមរយៈទំព័របណ្ដាញទំនាក់ទំនងសង្គមផ្លូវការដែលយើងគ្រប់គ្រង (“ទំព័របណ្ដាញទំនាក់ទំនងសង្គម” របស់យើង) ព្រមទាំងតាមរយៈសារ អេឡិចត្រូនិចដែលមានទ្រង់ទ្រាយ HTML ដែលយើងផ្ញើជូនអ្នក (ជារួមហៅថា “សៃត៍” ដែលរួមបញ្ចូល ទំព័របណ្ដាញទំនាក់ទំនងសង្គម កម្មវិធី និងវេបសាយ)។
តាមរយៈការផ្ដល់ព័ត៌មានផ្ទាល់ខ្លួនមកឲ្យយើង លោកអ្នកឯកភាព និងយល់ព្រមលើខ និងលក្ខខណ្ឌនៃគោលការណ៍ឯកជនភាពនេះ។
យើងយកចិត្តទុកដាក់ជាខ្លាំងទៅលើឯកជនភាពរបស់បុគ្គល ប៉ុន្តែជាងនេះទៅទៀត យើងយកចិត្តទុកដាក់លើទំនាក់ទំនងរបស់យើងជាមួយនឹងលោកអ្នក។
ព័ត៌មានផ្ទាល់ខ្លួន
“ព័ត៌មានផ្ទាល់ខ្លួន” ជាទូទៅ មានន័យថា ព័ត៌មានទាំងឡាយណាដែលកំណត់អត្តសញ្ញាណរបស់លោកអ្នកជាបុគ្គល ព្រមទាំងព័ត៌មានដទៃទៀតដែលពាក់ព័ន្ធជាមួយយើងខ្ញុំ។ យើងប្រមូលប្រភេទព័ត៌មានមួយចំនួន ពីប្រភពផ្សេងៗគ្នា ដូចរៀបរាប់ខាងក្រោម៖
១. ព័ត៌មានប្រវត្តិរូប និងខ្លឹមសារព័ត៌មានផ្សេងទៀត ដែលអ្នកផ្ដល់ឲ្យយើងដោយស្ម័គ្រចិត្ត ដែលអាចរួមបញ្ចូល៖
- ឈ្មោះអ្នកប្រើប្រាស់ និងពាក្យសម្ងាត់
- ព័ត៌មានទំនាក់ទំនង នៅពេលអ្នកចុះឈ្មោះលើសៃត៍របស់យើង ដូចជា ឈ្មោះរបស់លោកអ្នក, អាសយដ្ឋានផ្លូវ, ព័ត៌មានប្រជាសាស្ត្រ (ដូចជាភេទរបស់អ្នក), ថ្ងៃខែឆ្នាំកំណើត, លេខទូរសព្ទចល័ត និងលេខទូរសព្ទនៅផ្ទះ និង/ឬ អាសយដ្ឋានសារអេឡិចត្រូនិច។
- លោកអ្នកក៏អាចផ្ដល់ឲ្យយើងខ្ញុំនូវព័ត៌មានអំពីអ្នកដទៃផ្សេងទៀតផងដែរ រួមមាន នៅពេលដែលលោកអ្នក មានបំណងឲ្យយើងខ្ញុំផ្ញើជាអំណោយជំនួសឲ្យលោកអ្នក។
- ខ្លឹមសារព័ត៌មាន ឬការផ្តល់ជាវិភាគទានទាំងឡាយដែលអ្នកផ្សព្វផ្សាយជាសាធារណៈនៅលើសៃត៍។ នេះរួមបញ្ចូលទាំងមតិ វីដេអូ និងរូបថត ដែលអ្នកអាចប្រគល់។ បើអ្នកទាក់ទងយើងតាមទំព័របណ្ដាញទំនាក់ទំនងសង្គម យើងអាចប្រមូលព័ត៌មានសម្គាល់អត្តសញ្ញាណបណ្ដាញទំនាក់ទំនងសង្គមរបស់លោកអ្នក។
- ព័ត៌មានទាំងឡាយ ដែលអ្នកផ្ដល់ឲ្យក្នុងការប្រាស្រ័យទាក់ទងជាមួយយើង រួមមាន បណ្ដាញទំនាក់ទំនងសង្គម សារអេឡិចត្រូនិច ឬសេវាទំនាក់ទំនងសម្រាប់អតិថិជនរបស់យើង។
- ព័ត៌មាននៃការបង់ប្រាក់ ដូចជា ពេលដែលអ្នកកុម្មង់ទិញពីយើងខ្ញុំ ឬក៏ធ្វើបរិច្ចាគ ឬវិភាគទាន ហើយយើងត្រូវការព័ត៌មានអាសយដ្ឋានរបស់អ្នក ដើម្បីដំណើរការនៃប្រតិបត្តិការនេះ។
២. ព័ត៌មានដែលត្រូវបានប្រមូលដោយអកម្ម នៅពេលអ្នកប្រើប្រាស់សៃត៍ ដូចជា តាមរយៈវេបសឺវើរបស់យើង និងឧបករណ៍វិភាគរបស់តតិយជនដែលយើងប្រើប្រាស់៖
- កំណត់ហេតុប្រព័ន្ធរបស់យើងអាចកត់ត្រាព័ត៌មានមួយចំនួនអំពីអ្នកចូលមើលសៃត៍របស់យើង រួមទាំង សំណើវេប, អាសយដ្ឋានប្រូតូកូលអ៊ីនធើណេត (“IP”), ឧបករណ៍ និងទូរស័ព្ទចល័ត និងឧបករណ៍កំណត់អត្តសញ្ញាណ, ព័ត៌មានប្រោវសឺ, អន្តរកម្មជាមួយសៃត៍, ទំព័រដែលបានចូលមើល, ការប្រើប្រាស់កម្មវិធី និងព័ត៌មានផ្សេងទៀត។ យើងអាចប្រមូលព័ត៌មានស្រដៀងគ្នានេះពីសារអេឡិចត្រូនិចដែលលោកអ្នកទទួលបានពីយើងខ្ញុំ ដែលនេះអាចជួយយើងខ្ញុំពិនិត្យតាមដានសារអេឡិចត្រូនិចដែលអ្នកប្រើប្រាស់បានបើក និងតំណទាំងឡាយណាដែលលោកអ្នកទទួលបានចុចលើ។
- យើងប្រើប្រាស់ខូកគីមួយចំនួន, ស្លាកភិកសែល និងបច្ចេកវិទ្យាផ្សេងទៀត ដើម្បីជួយឲ្យយើងខ្ញុំយល់ពីរបៀបដែលអ្នកប្រើប្រាស់សៃត៍ និងអនុញ្ញាតឲ្យយើងបែងចែកបទពិសោធន៍ជាបុគ្គលរបស់លោកអ្នក។ យើងអាចស្នើសុំឲ្យអ្នកផ្សព្វផ្សាយ ឬតតិយជនដែលជាដៃគូអាជីវកម្មផ្សេងទៀត នៅក្នុងការផ្សព្វផ្សាយ ឬផ្តល់ជាសេវាដល់ឧបករណ៍របស់លោកអ្នក ដែលពឹងផ្អែកលើខូគី ឬបច្ចេកវិទ្យាស្រដៀងគ្នានេះ ដែលបានដាក់នៅលើសៃត៍របស់យើង។
- យើងអាចស្គាល់ទីតាំងជាក់ស្ដែងនៃឧបករណ៍ប្រើប្រាស់របស់លោកអ្នក ឧទាហរណ៍ ការប្រើប្រាស់ ព័ត៌មាន GPS ដែលត្រូវបានប្រមូលដោយកម្មវិធីនៅក្នុងឧបករណ៍ទំនាក់ទំនងចល័ត ឬព័ត៌មានទីកន្លែងដែលត្រូវបានចែករំលែកដោយប្រោវសឺវិបរបស់លោកអ្នក។ យើងប្រមូលព័ត៌មាននេះក្នុងគោលបំណងនៅក្នុងការពង្រឹង ឬសម្រួលដល់សេវារបស់យើង ដូចជាការអនុញ្ញាតធ្វើមុខងារមួយចំនួននៃសៃត៍ ដែលអាចផ្ដល់ឲ្យលោកអ្នកនូវព័ត៌មានអំពីកម្មវិធីប្រូម៉ូសិន ឬព័ត៌មានផលិតផលពាកព័ន្ធ នៅក្បែរអ្នក។ យើងអាចប្រើប្រាស់ទីតាំងជាក់ស្ដែងនៃឧបករណ៍ប្រើប្រាស់របស់លោកអ្នក ដើម្បីស្វែងយល់ពីរបៀប សេវា និងមុខងារផ្សេងទៀតនៃសៃត៍របស់យើង ដែលកំពុងត្រូវបានដាក់ឲ្យប្រើប្រាស់ រួចហើយនឹងផ្ដល់ជូនលោកអ្នកនូវសេវាកម្មពាក់ព័ន្ធ និងសេវាផ្អែកលើទីកន្លែងតាមបុគ្គល ព្រមទាំងខ្លឹមព័ត៌មាន រួមទាំង ការផ្សព្វផ្សាយ។ បើអ្នកចងដកខ្លួនចេញពីការប្រមូលព័ត៌មាននេះ សូមលៃតម្រូវការកំណត់នៃឧបករណ៍លោកអ្នក ដូច្នេះព័ត៌មានអំពីទីកន្លែងជាក់ស្ដែងរបស់អ្នកនោះមិនត្រូវបានផ្ញើឲ្យយើង ឬតតិយជន តាមរយៈ (ក) សេវាបិទទីកន្លែងក្នុងការកំណត់នៃឧបករណ៍ ឬ (ខ) ការបដិសេធចូលប្រើព័ត៌មានទីតាំងនៅក្នុងវេបសាយ ឬកម្មវិធីមួយចំនួន តាមរយៈការកំណត់ និងការអនុញ្ញាតពាក់ព័ន្ធ ឬការកំណត់ប្រោវសឺ នៅក្នុងឧបករណ៍ទំនាក់ទំនងចល័តរបស់អ្នក ។ សូមកត់សម្គាល់ថា ទីតាំងរបស់លោកអ្នកអាចត្រូវបានទាញយកពី WiFi, Bluetooth និងការកំណត់ឧបករណ៍ផ្សេងទៀតរបស់លោកអ្នក។ សូមពិនិត្យមើលការកំណត់នៅក្នុងឧបករណ៍ទំនាក់ទំនងរបស់លោកអ្នក សម្រាប់ព័ត៌មានបន្ថែម។
៣. យើងអាចទទួលព័ត៌មានពីអ្នកប្រើប្រាស់របស់យើងតាមរយៈតតិយជន រួមមាន ដៃគូអាជីវកម្មផ្សព្វផ្សាយ និងទីផ្សារ ទិន្នន័យសាធារណៈ និងទម្រង់បណ្ដាញទំនាក់ទំនងសង្គម ។ អាស្រ័យហេតុនេះ គោលការណ៍នេះនឹងគ្របដណ្ដប់លើរបៀបដែលយើងអាចប្រើប្រាស់ព័ត៌មានពីតតិយជនផងដែរ។
៤. បន្ថែមពីលើការប្រមូលព័ត៌មានផ្ទាល់ខ្លួន យើងក៏អាចប្រមូលព័ត៌មាន ដែលមិនមែនជាការកំណត់អត្តសញ្ញាណរបស់លោកអ្នក និងមិនពាក់ព័ន្ធនឹងព័ត៌មានផ្ទាល់ខ្លួនរបស់លោកអ្នកនោះឡើយ។ យើងក៏អាចបញ្ឈប់ការកត់សម្គាល់អត្តសញ្ញាណ ឬធ្វើឲ្យព័ត៌មានទាំងនោះក្លាយជាព័ត៌មានអនាមិកផងដែរ ។ យើងអាចប្រមូល និងប្រើប្រាស់ព័ត៌មានទាំងនោះ សម្រាប់សកម្មភាពទីផ្សារពាក់ព័ន្ធ និងសកម្មភាពផ្សេងទៀត ដើម្បីការពារអ្នកប្រើប្រាស់របស់យើង ដោយសារតាមរយៈវិធីបែបនេះ យើងមិនប្រើប្រាស់ព័ត៌មានផ្ទាល់ខ្លួនរបស់អ្នកប្រើប្រាស់ ហើយវាស្ថិតនៅក្រៅដែនសមត្ថកិច្ចនៃគោលការណ៍ឯកជនភាពនេះ។
តើយើងអាចប្រើប្រាស់ព័ត៌មានផ្ទាល់ខ្លួនបានយ៉ាងដូចម្ដេច
យើងអាចប្រើប្រាស់ព័ត៌មានផ្ទាល់ខ្លួនអនុលោមតាមការអនុញ្ញាតដោយច្បាប់ ក្នុងគោលបំណងធុរកិច្ចដូចមានរៀបរាប់ដូចខាងក្រោម៖
- ដើម្បីឆ្លើយតបទៅនឹងសំណួររបស់លោកអ្នក និងបំពេញសំណើរបស់លោកអ្នក
- ដើម្បីប្រាស្រ័យទាក់ទងជាមួយលោកអ្នក និងដំណើរការនូវការបញ្ជាទិញ, ការទិញ, ការដូរ, ការបម្រើសេវា, ការបរិច្ចាគ, កម្មវិធីប្រូម៉ូសិន, យុទ្ធនាការកម្មវិធី, កម្មវិធី, ការប្រកួតប្រជែង, ការឈ្នះរង្វាន់ និងគណនី
- ដើម្បីជូនដំណឹងអ្នកអំពីម៉ាក ផលិតផល កម្មវិធីប្រូម៉ូសិន ព្រឹត្តិការណ៍ ឬគោលបំណងប្រូម៉ូសិនផ្សេងទៀត
- ដើម្បីទាក់ទងអ្នកសារជាថ្មី ប្រសិនបើយើងមិនមានទំនាក់ទំនងជាមួយ មួយរយៈ
- ដើម្បីផ្ញើជូនអ្នកនូវឯកសារផ្សព្វផ្សាយ/កម្មវិធីប្រូម៉ូសិន ពីសាខាណាមួយរបស់យើង និងក្នុងនាមដៃគូប្រូម៉ូសិននិងយុទ្ធសាស្ត្ររបស់យើង
- ដើម្បីបង្កើនបទពិសោធន៍របស់អ្នកជាមួយផលិតផលនិងសេវារបស់យើង ដូចជាការតម្រូវតាមបុគ្គលនូវបទពិសោធន៍របស់អ្នកជាមួយយើង
- ដើម្បីអនុញ្ញាតឲ្យលោកអ្នកអាចចូលរួមក្នុងការស្ទង់មតិ កម្មវិធីប្រកួតប្រជែង កម្មវិធីប្រូម៉ូសិន ការប្រកួតប្រជែង និងកម្មវិធីផ្សេងៗទៀត ព្រមទាំងអនុវត្តសកម្មភាពទាំងនេះ
- ដើម្បីផ្ដល់បណ្ណអំណោយឬអំណោយដល់អ្នកដទៃ ស្របតាមការណែនាំរបស់លោកអ្នក
- ដើម្បីអនុញ្ញាតឲ្យលោកអ្នកអាចចូលរួមក្នុងការចែករំលែកសង្គម រួមទាំង មតិព័ត៌មានបណ្ដាញទំនាក់ទំនងសង្គមផ្សាយផ្ទាល់
- ដើម្បីធ្វើការវិភាគ ការគ្រប់គ្រងគុណភាព ការស្រាវជ្រាវទីផ្សារ និងកំណត់អំពីប្រសិទ្ធភាពនៃគេហទំព័ររបស់យើង កម្មវិធីឧបករណ៍ទំនាក់ទំនងចល័ត យុទ្ធនាការកម្មវិធីប្រូម៉ូសិន និងការអភិវឌ្ឍផលិតផល និងសេវាថ្មីៗ។
យើងក៏អាចប្រើប្រាស់ព័ត៌មានផ្ទាល់ខ្លួន នៅពេលដែលយើងជឿជាក់ថាមានការចាំបាច់ ឬសមស្រប ក្នុងគោលបំណង សំខាន់ៗមួយចំនួន ដែលរួមមាន៖
- ដើម្បីអនុលោមតាមច្បាប់ និងនីតិវិធីច្បាប់ជាធរមាន
- ដើម្បីឆ្លើយតបនឹងសំណើពីអាជ្ញាធរសាធារណៈនិងរដ្ឋាភិបាល រួមទាំងអាជ្ញាធរសាធារណៈនិងរដ្ឋាភិបាល នៅខាងក្រៅប្រទេសទីលំនៅរបស់លោកអ្នក
- ដើម្បីដឹង បង្ការ ឬស៊ើបអង្កេតពីឧប្បត្តិហេតុពាក់ព័ន្ធសន្តិសុខ ឬការលួចបន្លំដែលអាចកើតមាន
- ដើម្បីសម្រួលដល់សមត្ថភាពនៃកម្មវិធីនៅក្នុងឧបករណ៍ទំនាក់ទំនងចល័ត និងវេបសាយរបស់យើង
- ដើម្បីផ្ដល់ព័ត៌មានសុវត្ថិភាពផលិតផល និងសេចក្ដីជូនដំណឹងអំពីការប្រមូលផលិតផលត្រឡប់មកវិញ
- ដើម្បីពង្រឹងខ និងលក្ខខណ្ឌគោលការណ៍របស់យើង
- ដើម្បីការពារប្រតិបត្តិការរបស់យើង ឬប្រតិបត្តិការរបស់សាខា
- ដើម្បីការពារសិទ្ធិ ឯកជនភាព សុវត្ថិភាព ទ្រព្យ ឬសន្តិសុខរបស់យើង និង/ឬ របស់សាខា, លោកអ្នក ឬអ្នកដទៃ
- ដើម្បីអនុញ្ញាតឲ្យយើងស្វែងរកមធ្យោបាយដោះស្រាយ ឬកម្រិតការខូចខាតដែលអាចមាន
ប្រសិនបើលោកអ្នកប្រគល់ព័ត៌មានផ្ទាល់ខ្លួនណាមួយពាក់ព័ន្ធនឹងអ្នកដទៃ នៅក្នុងសៃត៍ លោកអ្នកអះអាងថា លោកអ្នកមានសិទ្ធិក្នុងការប្រគល់ និងអនុញ្ញាតឲ្យយើងប្រើប្រាស់ព័ត៌មាននោះ ស្របទៅតាមគោលការណ៍ឯកជនភាព ។
តើព័ត៌មានផ្ទាល់ខ្លួនអាចត្រូវបានបង្ហាញដូចម្ដេច
១. ក្រោមវិសាលភាពដែលច្បាប់បានអនុញ្ញាត ព័ត៌មានផ្ទាល់ខ្លួនទាំងឡាយអាចត្រូវបានបង្ហាញដល់តតិយជនមួយចំនួន ដូចបានរៀបរាប់ខាងក្រោម៖
- សាខារបស់យើង ក្នុងគោលបំណង ដូចដែលបានរៀបរាប់នៅក្នុងគោលការណ៍ឯកជនភាពនេះ
- តតិយជនដែលជាអ្នកផ្ដល់សេវារបស់យើង ដែលផ្ដល់សេវា ដូចជា ហូស្ទីងវេបសាយ, ការវិភាគទិន្នន័យ, ការដំណើរការបង់ប្រាក់, ការបំពេញការបញ្ជាទិញ, ការផ្ដល់ហេដ្ឋារចនាសម្ពន្ធ, សេវា IT, សេវាអតិថិជន, សេវាប្រគល់សារអេឡិចត្រូនិច, ការដំណើរការបណ្ណឥណទាន, សេវាសវនកម្ម និងសេវាផ្សេងទៀត ដើម្បីអនុញ្ញាតឲ្យពួកគេផ្ដល់សេវា
- តតិយជន ក្នុងករណីនៃការរៀបចំស្ថាប័នឡើងវិញ, ការបញ្ចូលគ្នា, ការលក់, ការធ្វើអាជីវកម្មរួមគ្នា, ការចាត់តាំង, ការផ្ទេរ ឬការរៀបចំផ្សេងទៀតនៃធុរកិច្ច ទ្រព្យសកម្ម ឬភាគហ៊ុនរបស់យើងទាំងអស់ឬផ្នែកណាមួយ (មានជាអាទិ៍ ការទាក់ទងជាមួយនឹងភាពក្ស័យធន ឬនីតិវិធីស្រដៀងគ្នានេះ)
- ជាប់ទាក់ទងជាមួយគោលបំណងជាសារវន្ត ដែលបានរៀបរាប់ខាងលើ (ឧទាហរណ៍ ដើម្បីអនុលោមតាមកាតព្វកិច្ចផ្លូវច្បាប់)
២. ក្រោមវិសាលភាពដែលច្បាប់បានអនុញ្ញាត ឈ្មោះ និងព័ត៌មានទំនាក់ទំនងរបស់លោកអ្នក (និងព័ត៌មានផ្សេង ទៀតដែលអ្នកផ្ដល់ជាសាធារណៈ) ដែលអាចត្រូវបានបង្ហាញដល់តតិយជនមួយចំនួន ដូចរៀបរាប់ខាងក្រោម៖
- តតិយជនដែលជាដៃគូយុទ្ធសាស្ត្រ ដែលយើងអាចមានទំនាក់ទំនងពិសេសសម្រាប់សកម្មភាពប្រូម៉ូសិន ដែលច្បាប់បានអនុញ្ញាត
- តតិយជនដែលជាប់ទាក់ទងជាមួយនឹងកម្មវិធីប្រូម៉ូសិន ឬសកម្មភាពទីផ្សារមួយ ដែលលោកអ្នកចូលរួម ។ ប្រសិនបើលក្ខខណ្ឌគ្រប់គ្រងកម្មវិធីប្រូម៉ូសិន ទាក់ទងនឹងការប្រើប្រាស់ព័ត៌មានផ្ទាល់ខ្លួនរបស់លោកអ្នក មានលក្ខណៈតឹងរឹងជាងគោលការណ៍ឯកជនភាពនេះ លក្ខខណ្ឌនៃកម្មវិធីប្រូម៉ូសិននោះនឹងត្រូវយកមកអនុវត្ត ។
៣. ក្រោមវិសាលភាពដែលច្បាប់បានអនុញ្ញាត ព័ត៌មានដែលបានប្រមូលដោយអកម្ម នៅពេលអ្នកប្រើប្រាស់សៃត៍ អាចត្រូវបានបង្ហាញដល់តតិយជនមួយចំនួន ដូចរៀបរាប់ខាងក្រោម៖
- អ្នកផ្សព្វផ្សាយអនឡាញ និងតាមរយៈសារអេឡិចត្រូនិចរបស់យើង ឬអ្នកផ្គត់ផ្គង់តតិយជនផ្សេងទៀត ដែលយើងអាចផ្ដល់ខូកគី, ស្លាកភិកសែល, វិបប៊ីខុន, បច្ចេកវិទ្យា GIFs ឬស្រដៀងគ្នានេះផ្សេងទៀត សម្រាប់ការប្រើប្រាស់សៃត៍របស់យើង ឬវេបសាយផ្សេងទៀត ដើម្បីគ្រប់គ្រង និងកែលម្អយុទ្ធនាការផ្សព្វផ្សាយអនឡាញ និងតាមរយៈសារអេឡិចត្រូនិចរបស់យើង។
ឧទាហរណ៍៖ អ្នកផ្គត់ផ្គង់សេវា (ឧទាហរណ៍៖ Google, Facebook) អាចផ្ដល់ឲ្យយើងនូវភិកសែលផ្សព្វផ្សាយឌីជីថលមួយចំនួន ឬឧបករណ៍ផ្សេងទៀត ដើម្បីស្គាល់ខូកគីរបស់អ្នកផ្គត់ផ្គង់ ក្នុងអំឡុងការចូលមើលរបស់អ្នកលើសៃត៍ និងដើម្បីស្វែងយល់ថាតើការផ្សព្វផ្សាយអនឡាញរបស់យើងណាមួយអាចនាំអ្នកចូលទៅសៃត៍របស់យើង និងដើម្បីបម្រើជូនលោកអ្នកជាមួយឃោសនាសម្រាប់ផលិតផលក្រុមហ៊ុន Coca-Cola បន្ទាប់ពីអ្នកចាកចេញពីសៃត៍នោះ ។ អ្នកផ្គត់ផ្គង់សេវាដែលជាតតិយជនទាំងនេះ ក៏អាចប្រើប្រាស់ឧបករណ៍ផ្សព្វផ្សាយឌីជីថលផ្សេងទៀត ក៏ដូចជាព័ត៌មានផ្ទាល់ខ្លួនរបស់អ្នកផងដែរ ដើម្បីទទួលស្គាល់អ្នក ឆ្លងឧបករណ៍និងសេវាអនឡាញដែលអ្នកប្រើប្រាស់ ។
សៃត៍តតិយភាគី
សៃត៍របស់យើងអាចតភ្ជាប់ជាមួយវេបសាយ កម្មវិធីក្នុងឧបករណ៍ទំនាក់ទំនងចល័ត ផតថលបង់ប្រាក់ និងសេវា ឬទម្រង់អនឡាញរបស់តតិយជន។ តំណរទាំងនេះត្រូវបានផ្ដល់ជូន ដើម្បីផ្ដល់នូវភាពងាយស្រួលដល់លោកអ្នកប៉ុណ្ណោះ។ យើងមិនគ្រប់គ្រងលើសៃត៍របស់តតិយជននោះឡើយ ហើយក៏មិនទទួលខុសត្រូវចំពោះខ្លឹមព័ត៌មាន អត្ថិភាព ឬសន្តិសុខរបស់តតិយជនដែរ ។ តតិយជនអាចប្រើប្រាស់ព័ត៌មានរបស់លោកអ្នក ក្នុងគោលបំណងនានា រួមមាន ការកំណត់អាកប្បកិរិយា ឬការផ្សព្វផ្សាយ ។ បើលោកអ្នកសម្រេចថាចូលប្រើប្រាស់តំណរបស់តតិយជនណាមួយដែលមាននៅលើសៃត៍ ឬក៏បើអ្នកផ្ដល់ព័ត៌មានផ្ទាល់ខ្លួនតាមវេបសាយ កម្មវិធី ឬទម្រង់របស់តតិយជនទាំងនេះ អ្នកធ្វើដូច្នោះ ដោយស្ថិតក្រោមគោលការណ៍ឯកជនភាព ព្រមទាំងខ និងលក្ខខណ្ឌនៃការប្រើប្រាស់របស់ម្ចាស់សៃត៍ ឬប្រតិបត្តិករនោះ និងមិនមែនគោលការណ៍ឯកជនភាពនេះទេ។
ការផ្ទេរព័ត៌មានផ្ទាល់ខ្លួនរបស់អ្នក
យើងអាចផ្ទេរព័ត៌មានផ្ទាល់ខ្លួនរបស់អ្នកទៅសឺវើ ដែលស្ថិតនៅខាងក្រៅប្រទេសដែលអ្នករស់នៅ ឬក៏ជូនសាខា ឬតតិ-យជន ដែលទុកចិត្តផ្សេងទៀត ដែលមានមូលដ្ឋាននៅប្រទេសផ្សេង ដើម្បីឲ្យពួកគេអាចដំណើរការព័ត៌មានផ្ទាល់ខ្លួនក្នុងនាមយើង។ ដោយប្រើសៃត៍មួយ ឬក៏ផ្ដល់ឲ្យយើងនូវព័ត៌មានផ្ទាល់ខ្លួន អ្នកយល់ព្រមឲ្យយើងធ្វើដូច្នោះ ស្របតាមលក្ខខណ្ឌនៃគោលការណ៍ឯកជនភាពនេះ ព្រមទាំងច្បាប់និងបទបញ្ជាការពារទិន្នន័យជាធរមាន ។
អ្នកគួរដឹងថា ប្រទេសជាច្រើនមិនមានលទ្ធភាពការពារព័ត៌មានផ្ទាល់ខ្លួនរបស់លោកអ្នកទៅតាមផ្លូវច្បាប់ ដូចដែលអ្នកអាចទទួលបាននៅក្នុងប្រទេសដើមរបស់លោកអ្នកនោះឡើយ។ ខណៈពេលព័ត៌មានផ្ទាល់ខ្លួនរបស់លោកអ្នកស្ថិតនៅក្នុងប្រទេសមួយទៀត វាអាចត្រូវបានអនុញ្ញាតឲ្យប្រើប្រាស់ដោយតុលាការ អាជ្ញាធរប្រតិបត្តិច្បាប់ និងអាជ្ញាធរសន្តិសុខជាតិ នៅក្នុងប្រទេសនោះ ដោយអនុលោមទៅតាមច្បាប់របស់គេ។ អាស្រ័យលើសំណើចូលប្រើស្របច្បាប់ទាំងនោះ យើងនឹងធានាថា គ្រប់គ្នាដែលដំណើរការព័ត៌មានផ្ទាល់ខ្លួនរបស់លោកអ្នកនៅខាងក្រៅប្រទេសដើមរបស់អ្នក ត្រូវបានតម្រូវឲ្យ អនុវត្តវិធានការការពារវា និងមានសិទ្ធិដំណើរការវា ស្របតាមសេចក្ដីណែនាំរបស់យើងប៉ុណ្ណោះ ។
សន្តិសុខ
យើងប្រើប្រាស់វិធានការស្តង់ដាររូបវន្ត បច្ចេកទេស និងរដ្ឋបាល ដែលបានរៀបរាប់ឡើង ដើម្បីកាត់បន្ថយហានិភ័យនៃការបាត់បង់ ការប្រើប្រាស់ខុស ការចូលប្រើប្រាស់ដោយមិនទទួលសិទ្ធិ ការបង្ហាញ ឬការកែព័ត៌មានផ្ទាល់ខ្លួនរបស់លោកអ្នក។ ទោះបីជាយ៉ាងណា គ្មានប្រព័ន្ធ ឬបណ្ដាញណាមួយអាចត្រូវបានធានាថាមានសន្តិសុខ ១០០% នោះឡើយ។ ប្រសិនបើលោកអ្នកគិតថា ការប្រាស្រ័យទាក់ទងរបស់លោកអ្នកជាមួយនឹងយើងខ្ញុំលែងមានសុវត្ថិភាពទៀតហើយនោះ (ឧទាហរណ៍ ប្រសិនបើអ្នកគិតថា គណនីទាំងឡាយដែលលោកអ្នកអាចមានជាមួយយើងខ្ញុំមានសន្តិសុខចុះទន់ខ្សោយ) សូមជូនដំណឹងយើងភ្លាមៗ តាមរយៈផ្នែក“ទំនាក់ទំនងមកកាន់យើង” ខាងក្រោម (សូមកត់សម្គាល់ថា ការជូនដំណឹងតាមសំបុត្រប្រៃសណីយ៍ នឹងពន្យារពេលដែលត្រូវការ ដើម្បីឲ្យយើងឆ្លើយតបនឹងបញ្ហានោះ)។
ជម្រើសនិងសិទ្ធិចូលប្រើប្រាស់របស់លោកអ្នក
ជម្រើសរបស់អ្នកពាក់ព័ន្ធនឹងការប្រើប្រាស់និងការបង្ហាញរបស់យើងលើព័ត៌មានផ្ទាល់ខ្លួនរបស់អ្នក
- លោកអ្នកអាចឈប់ការទទួលសារអេឡិចត្រូនិចអំពីកម្មវិធីប្រូម៉ូសិន និងការផ្ញើសំបុត្រប្រៃសណីយ៍ ដោយជូនដំណឹងយើងអំពីចំណូលចិត្តរបស់អ្នក នៅពេលអ្នកចុះឈ្មោះប្រើគណនី Coca-Cola មួយ ឬក៏ការកែចំណូលចិត្តប្រូម៉ូសិនរបស់អ្នកអនឡាញ នៅក្នុងផ្នែកគ្រប់គ្រងគណនីប្រវត្តិរូបរបស់អ្នក។ ដើម្បីបញ្ឈប់ការទទួលបានតាមរយៈទូរស័ព្ទ សំបុត្រ សារទូរស័ព្ទ និង/ឬ ការប្រាស្រ័យទាក់ទងអំពីទីផ្សារតាមសាអេឡិចត្រូនិចពីយើង អ្នកអាចផ្ញើសារ “STOP” ឆ្លើយតបនឹងសារអត្ថបទពីយើង ឬក៏ចុច “unsubscribe” (លុបឈ្មោះ) នៅផ្នែកខាងក្រោមនៃអ៊ីមែលពីយើង។ បន្ថែមលើនេះ អ្នកអាចឲ្យយើងដឹង តាមការបញ្ជូនដោយផ្ទាល់ខាងក្រោមក្នុងផ្នែក “ទំនាក់ទំនងមកកាន់យើង” ។ សូមបញ្ជាក់ពីប្រភេទនៃការប្រាស្រ័យទាក់ទងណាដែលអ្នកលែងចង់ទទួលទៀត និងលេខទូរស័ព្ទពាក់ព័ន្ធ អាសយដ្ឋាន និង/ឬ អាសយដ្ឋានសាអេឡិចត្រូនិច។ បើអ្នកដកខ្លួនចេញពីសារពាក់ព័ន្ធនឹងម៉ាឃិធីងពីយើង នោះយើងអាចផ្ញើឲ្យអ្នកនូវសាររដ្ឋបាលសំខាន់ៗ ដូចជាសារអេឡិចត្រូនិចអំពីគណនីរបស់លោកអ្នក។
- យើងនឹងមិនបង្ហាញព័ត៌មានផ្ទាល់ខ្លួនរបស់លោកអ្នកដល់តតិយជននេះឡើយ ប្រសិនបើយើងបានទទួលនិងបានដំណើរការសំណើពីលោកអ្នកមិនឲ្យធ្វើដូច្នោះ។ ដើម្បីបញ្ជូនសំណើបែបនេះ សូមទាក់ទងមកកាន់យើងខ្ញុំ ដោយផ្ញើសារ តាមការបញ្ជូនដោយផ្ទាល់ខាងក្រោមក្នុងផ្នែក “ទំនាក់ទំនងមកកាន់យើង”។ សូមកត់សម្គាល់ថា យើងអាចបន្តចែករំលែកព័ត៌មានផ្ទាល់ខ្លួនរបស់អ្នកជាមួយសាខារបស់យើង អ្នកផ្ដល់សេវា ក្នុងគោលបំណងចំបង និងស្ថានការណ៍ ដូចមានរៀបរាប់ខាងលើ។
តើអ្នកអាចចូលប្រើ ឬលុបព័ត៌មានផ្ទាល់ខ្លួនរបស់អ្នកដូចម្ដេច
- លោកអ្នកអាចស្នើសុំសំណៅចម្លងខាងក្រោម៖ (១) ប្រភេទនៃព័ត៌មានផ្ទាល់ខ្លួនដែលយើងប្រមូលអំពីលោកអ្នក (២) ប្រភេទនៃប្រភពដែលប្រមូលព័ត៌មានផ្ទាល់ខ្លួន (៣) គោលបំណងធុរកិច្ចឬពាណិជ្ជកម្ម សម្រាប់ការប្រមូលឬការចែករំលែកព័ត៌មានផ្ទាល់ខ្លួន (៤) ប្រភេទនៃតតិយជន ដែលយើងចែក រំលែកព័ត៌មានផ្ទាល់ខ្លួនជាមួយ និងប្រភេទនៃព័ត៌មានផ្ទាល់ខ្លួនដែលបានចែករំលែក ព្រមទាំង (៥) ផ្នែកនៃព័ត៌មានផ្ទាល់ខ្លួនរបស់លោកអ្នក ដែលយើងបានប្រមូល បានប្រើ ឬបានបង្ហាញ (ប្រសិនមាន)។
- អ្នកអាចស្នើឲ្យយើងលុបព័ត៌មានផ្ទាល់ខ្លួនរបស់អ្នកបាន។ សូមកត់សម្គាល់ថា សំណើលុបគឺអាស្រ័យលើដែនកំណត់មួយចំនួន ឧទាហរណ៍ យើងអាចរក្សាព័ត៌មានផ្ទាល់ខ្លួនតាមការអនុញ្ញាតពីច្បាប់ ដូចជាគោលបំណងពន្ធ ឬការរក្សាកំណត់ត្រាផ្សេងទៀត, ដើម្បីរក្សាឲ្យគណនីសកម្ម និងដើម្បីដំណើរការប្រតិបត្តិការ និងសម្រួលដល់សំណើអតិថិជន។
អ្នកមានសិទ្ធិមិនទទួលការរើសអើងទៅលើសេវាឬតម្លៃ បើអ្នកអនុវត្តសិទ្ធិឯកជនភាពរបស់អ្នក ហើយយើងនឹងស្រឡាញ់អ្នក ដូចដែលអ្នកអនុវត្តពួកវាដែរ។
ដើម្បីស្នើសុំសំណៅចម្លងនៃព័ត៌មានផ្ទាល់ខ្លួនដែលយើងបានប្រមូលអំពីអ្នក ឬក៏ដើម្បីស្នើឲ្យលុបព័ត៌មានរបស់អ្នក សូមបង្កើតសំណើមួយ តាមការណែនាំក្នុងផ្នែក “ទំនាក់ទំនងមកកាន់យើង” ខាងក្រោម។ អ្នកនឹងត្រូវផ្ដល់ឈ្មោះរបស់លោកអ្នក អាសយដ្ឋានអ៊ីមែល និងប្រទេសដែលលោកអ្នកស្នាក់នៅ។
នៅពេលប្រគល់សំណើរបស់អ្នក យើងនឹងទាក់ទងទៅកាន់លោកអ្នក (តាមអាសយដ្ឋានសារអេឡិចត្រូនិច ឬទូរស័ព្ទលេខចល័តដែលបានផ្ដល់ឲ្យក្នុងសំណើរបស់លោកអ្នក) ជាមួយការណែនាំអំពីរបៀបផ្ទៀងផ្ទាត់សំណើនេះ ដែលបន្ទាប់ពីនោះ យើងនឹងពិនិត្យកំណត់ត្រារបស់យើងសម្រាប់ការផ្គូផ្គងព័ត៌មាន និងមានបំណងបញ្ចប់សំណើនោះ ភ្លាមៗតាមដែលអាចអនុវត្តបានសមហេតុសមផល និងស្របតាមច្បាប់ជាធរមានទាំងឡាយ។ សូមកត់សម្គាល់ថា វាអាចត្រូវការពេលវេលាបន្ថែម ដើម្បីផ្ទៀងផ្ទាត់ និងបំពេញសំណើដែលបានប្រគល់តាមភ្នាក់ងារ។
បើអ្នកមានគណនីមួយជាមួយយើង អ្នកក៏អាចធ្វើការផ្លាស់ប្ដូរមួយចំនួនដោយផ្ទាល់ផងដែរ តាមទំព័រប្រវត្តិរូបនៃគណនីរបស់អ្នក។ សូមកត់សម្គាល់ថា ការផ្លាស់ប្ដូរដែលអ្នកធ្វើលើទំព័រប្រវត្តិរូបនៃគណនីរបស់អ្នកតាមសៃត៍របស់យើងណាមួយ ប្រហែលជាមិនឆ្លុះបញ្ចាំងជានិច្ចនៅលើសៃត៍ផ្សេងទៀតដែលយើងធ្វើប្រតិបត្តិការឡើយ។
អំឡុងពេលនៃការរក្សាព័ត៌មាន
យើងនឹងរក្សាទុកព័ត៌មានផ្ទាល់ខ្លួនរបស់អ្នកក្នុងអំឡុងពេលកំណត់ណាមួយ ដើម្បីបំពេញគោលបំណងដែលបានបញ្ជាក់នៅក្នុងគោលការណ៍ឯកជនភាពនេះ ក៏ប៉ុន្តែយើងអាចរក្សាទុកព័ត៌ុមានទាំងនេះយូរជាងរយៈពេលដែលបានកំណត់ដោយគោលការណ៍នេះ ប្រសិនបើមានភាពចាំបាច់ ឬត្រូវបានអនុញ្ញាត ក្នុងគោលបំណងអនុលោមទៅតាមផ្លូវច្បាប់ សវនកម្ម ឬអនុលោមភាព។
ឯកជនភាពរបស់កុមារ
យើងខ្ញុំមិនប្រមូល មិនស្នើសុំព័ត៌មានពីអនីតិជនដែលមានអាយុក្រោម ១៣ឆ្នាំ ឬមិនអនុញ្ញាតអនីតិជនដែលមានអាយុក្រោម ១៨ ឆ្នាំ បង្ហាញព័ត៌មានផ្ទាល់ខ្លួនរបស់ពួកគេ នៅលើបណ្តាសៃត៍របស់យើងខ្ញុំនោះឡើយ។ សៃត៍ទាំងអស់ត្រូវបានបញ្ជូនទៅបុគ្គលដែលត្រូវបានអនុញ្ញាតឲ្យចែករំលែកព័ត៌មានផ្ទាល់ខ្លួនរបស់ពួកគេ ដោយពុំចាំបាច់មានការអនុញ្ញាតពីអាណាព្យាបាលនោះឡើយ។ ប្រសិនបើលោកអ្នកយល់ឃើញថា យើងខ្ញុំអាចមានព័ត៌មានរបស់កុមារដែលអនីតិជនដែលត្រូវបានកំណត់ដោយច្បាប់នៅក្នុងប្រទេសនោះសូមទាក់ទងមកកាន់យើងខ្ញុំតាមរយៈ“ទំនាក់ទំនងមកកាន់យើង” ដែលមានរៀបរាប់ខាងក្រោម ។
យើងខ្ញុំអាចសួររកការឯកភាពបន្ថែម ក្នុងអំឡុងដំណើរការចុះឈ្មោះប្រើប្រាស់គណនី ពីអនីតិជនដែលមានអាយុពី ១៣ ទៅ ១៧ ឆ្នាំ អនុលោមតាមច្បាប់ជាធរមាន ប្រសិនបើព័ត៌មានផ្ទាល់ខ្លួនអាចត្រូវបានចែករំលែកនៅក្រៅក្រុមហ៊ុន Coca-Cola និងសាខារបស់ខ្លួន និងអ្នកផ្ដល់សេវា។
ប្រសិនបើលោកអ្នកមានអាយុក្រោម ១៨ ឆ្នាំ និងជាអ្នកប្រើប្រាស់សៃត៍ដែលបានចុះបញ្ជី លោកអ្នកអាចសុំឲ្យយើងលុបខ្លឹមព័ត៌មានឬព័ត៌មានដែលអ្នកអាចបានបង្ហោះនៅលើសៃត៍ ដោយទាក់ទងយើង តាមការបញ្ជូនដោយផ្ទាល់ខាងក្រោមក្នុងផ្នែក “ទំនាក់ទំនងមកកាន់យើង”។ សូមកត់សម្គាល់ថា សំណើរបស់អ្នកមិនធានានូវការលុបខ្លឹមព័ត៌មាន ឬព័ត៌មានទាំងស្រុង ឬយ៉ាងទូលំទូលាយឡើយ ឧទាហរណ៍ អ្នកប្រើប្រាស់សៃត៍មួយទៀតអាចបង្ហោះឡើងវិញនូវខ្លឹមព័ត៌មាន សាធារណៈរបស់អ្នក នៅកន្លែងផ្សេងនៅលើសៃត៍ ឬក៏វេបសាយមួយទៀត។
ការធ្វើបច្ចុប្បន្នភាពលើគោលការណ៍ឯកជនភាព
យើងអាចធ្វើបច្ចុប្បន្នភាពគោលការណ៍ឯកជនភាពនេះជារឿយៗ។ សូមយោងទៅផ្នែកចំណងជើង “បច្ចុប្បន្នភាពចុងក្រោយ ” ដែលសិ្ថតខាងលើទំព័រនេះ ដើម្បីពិនិត្យមើលថា តើគោលការណ៍ឯកជនភាពនេះត្រូវបានកែសម្រួលចុង ក្រោយ នៅពេលណា ។ ការផ្លាស់ប្ដូរទាំងឡាយចំពោះគោលការណ៍ឯកជនភាពនេះនឹងមានប្រសិទ្ធភាព នៅពេលដែលយើងខ្ញុំចែករំលែកគោលការណ៍ឯកជនភាពដែលយើងខ្ញុំបានកែសម្រួសនោះនៅលើសៃត៍។ ការប្រើប្រាស់សៃត៍របស់លោកអ្នកលើ ក្រោយការធ្វើបច្ចុប្បន្នភាពទាំងនេះ មានន័យថា លោកអ្នកឯកភាពទទួលយកគោលការណ៍ឯកជនភាពដែលបានកែសម្រួលនេះ។
ទំនាក់ទំនងមកកាន់យើងខ្ញុំ
យើងខ្ញុំស្វាគមន៍ចំពោះរាល់គ្រប់សំណួរ មតិយោបល់ សំណើ និងការចែករំលែកក្ដីកង្វល់របស់លោកអ្នក ពាក់ព័ន្ធនឹងបញ្ហាឯកជនភាពនេះ។ ប្រសិនបើលោកអ្នកមានសំណួរផ្សេងៗអំពីគោលការណ៍ឯកជនភាពនេះ ឬក៏ការប្រើប្រាស់ទិន្នន័យរបស់យើងខ្ញុំ ឬមានបំណងដកខ្លួនចេញពីការទំនាក់ទំនងជាមួយនឹងយើងខ្ញុំ ឬក៏ចង់ដាក់សំណើពាក់ព័ន្ធនឹងការទុកដាក់ព័ត៌មានផ្ទាល់ខ្លួនរបស់លោកអ្នកដោយយើងខ្ញុំ សូមទាក់ទងមកកាន់យើងខ្ញុំតាមរយៈលេខទូរស័ព្ទ៖ +855 (87) 445 050 និង +855 (12) 845 006។