លក្ខខណ្ឌនៃកម្មវិធីឈ្នះរង្វាន់ សាម៉ូរៃដបជ័រ
១. ឈ្មោះកម្មវិធីឈ្នះរង្វាន់៖ “ឱកាសឈ្នះរង្វាន់ក្រោមគម្របដប”
២. អំឡុងពេលនៃកម្មវិធី៖ ចាប់ពីម៉ោង ០០:០០ ថ្ងៃទី០៨ ខែមេសា ឆ្នាំ២០២៤ ដល់ម៉ោង ២៤:០០ ថ្ងៃទី០៨ ខែមេសា ឆ្នាំ២០២៥
៣. ផលិតផលសម្រាប់កម្មវិធីឈ្នះរង្វាន់៖ សាម៉ូរៃដបជ័រ ចំណុះ ៤៨០ ម.ល (ដោយការវេចខ្ចប់ ពិសេសត្រូវបានទទួលស្គាល់ពី វិទ្យាស្ថានស្តង់ដារកម្ពុជា និងក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍)
បរិមាណផលិតផល (ប្រសិនបើមាន) ៖
៤.ទីតាំងកម្មវិធី៖ ទូទាំងប្រទេសកម្ពុជា
៥. ប្រភេទកម្មវិធី៖ បើក ដើម្បីមានឱកាសឈ្នះរង្វាន់
៦. អ្នកដែលអាចចូលរួមបាន៖
– អ្នកដែលអាចចូលរួម៖ អតិថិជនអាយុចាប់ពី ១៣ ឆ្នាំឡើងទៅ ទិញផលិតផលសម្រាប់កម្មវិធីឈ្នះរង្វាន់ក្នុងអំឡុងពេលកម្មវិធី។
– អ្នកដែលមិនអាចចូលរួម៖ បុគ្គលិករបស់ក្រុមហ៊ុន ខេមបូឌា បេវេរេដ ខមប៉ានី លីមីធីត (ក្រុមហ៊ុន កូកា-កូឡា) ដៃគូសហការ ភ្នាក់ងារក្រុមហ៊ុនពាណិជ្ជកម្មដែលបានចូលរួមរៀបចំកម្មវិធីនេះឡើង និងក្រុមគ្រួសាររបស់ពួកគាត់ (ដៃគូ ឪពុកម្តាយ បងប្អូន កូន និងដៃគូរបស់ពួកគាត់) នឹងមិនមានសិទ្ធិ ចូលរួមក្នុងកម្មវិធីនេះឡើយ។
៧. រង្វាន់៖
រាល់រង្វាន់ទាំងអស់មិនអាចប្តូរជាសាច់ប្រាក់ ឬផលិតផលផ្សេងទៀតបាននោះឡើយ លើកលែងតែរង្វាន់ ៥០០០ រៀល និង ១ លានរៀល ។
៨. ព័ត៌មានលម្អិត និងបទប្បញ្ញត្តិទាក់ទិនកម្មវិធីឈ្នះរង្វាន់៖
៨.១. នីតិវិធីសម្រាប់អតិថិជន៖
អតិថិជនដែលបានជាវផលិតផលសម្រាប់កម្មវិធីឈ្នះរង្វាន់ និងរកឃើញពាក្យនៅក្រោមគម្របដប ដើម្បីចូលរួមក្នុងកម្មវិធីដូចជា៖
– សូមអរគុណ
– ឈ្នះ ១ ដប ផុតកំណត់ ៨ មេសា ឆ្នាំ២០២៥
– ឈ្នះ ៥០០០រៀល ផុតកំណត់ ៨ មេសា ឆ្នាំ២០២៥
– ឈ្នះ ១លានរៀល “លេខកូដ” ផុតកំណត់ ៨ មេសា ២០២៥
៨.២. ការបើករង្វាន់
i) អ្នកឈ្នះរង្វាន់សាម៉ូរៃដប ចំណុះ ៤៨០ ម.ល ១ រង្វាន់ ឬ ទឹកប្រាក់ ៥០០០រៀល ១ រង្វាន់ អាចបើករង្វាន់នៅតាមបណ្ដាហាងលក់រាយ ឬ ដៃគូចែកចាយរបស់ក្រុមហ៊ុន ខេមបូឌា បេវេរេដ ខមប៉ានី លីមីធីត ទូទាំងប្រទេស។ អ្នកឈ្នះ ត្រូវប្រគល់គម្របដប ដើម្បីបើករង្វាន់។
ii) រង្វាន់ជាទឹកប្រាក់ ១លានរៀល៖
– អ្នកឈ្នះរង្វាន់ ត្រូវទំនាក់ទំនងមកកាន់ក្រុមហ៊ុន ខេមបូឌា បេវេរេដ ខមប៉ានី លីមីធីត តាមរយៈផ្នែកសេវាបម្រើអតិថិជនលេខ ១-៨00-២០-២២២២ ដើម្បីផ្ដល់ឲ្យក្រុមហ៊ុននូវ៖
o ឈ្មោះពេញដែលដូចទៅនឹងអត្តសញ្ញាណប័ណ្ណ ឬ លិខិតឆ្លងដែន។ ចំពោះអ្នកឈ្នះ ដែលមិន ទាន់គ្រប់អាយុ និងមិនមានអត្តសញ្ញាណប័ណ្ណ ឬ លិខិតឆ្លងដែន (អាយុ ១៣ ទៅ ១៤ឆ្នាំ) ត្រូវផ្ដល់ឈ្មោះពេញដូចនឹងសំបុត្រកំណើត និងត្រូវបញ្ជាក់ថាអ្នកឈ្នះរង្វាន់ទទួល បានការយល់ព្រមស្របច្បាប់ពីអ្នកអាណាព្យាបាលក្នងការផ្ដល់ព័ត៌មានចូលរួមក្នុងកម្មវិធី និង ប្ដូរយករង្វាន់ផ្អែកលើលក្ខខណ្ឌនៃកម្មវិធី។
o លេខទូរស័ព្ទ
o លេខកូដ ១០ ខ្ទង់ ដែលមាននៅក្រោមគម្របដប។
– អ្នកឈ្នះ ត្រូវរក្សា និងប្រគល់គម្របដបជាក់ស្តែង ដែលមានលេខកូដ ១០ ខ្ទង់ នៅក្រោមគម្រប ដបមកឲ្យបុគ្គលិកក្រុមហ៊ុនខេមបូឌា បេវេរេដ ខមប៉ានី លីមីធីត ដែលចុះទៅ ដើម្បីផ្ទៀងផ្ទាត់ លេខកូដ អត្តសញ្ញាណប័ណ្ណ ឬ លិខិតឆ្លងដែន និងលេខទូរស័ព្ទ មុនបើករង្វាន់។
– បន្ទាប់ពីបញ្ចប់ការផ្ទៀងផ្ទាត់លេខកូដលើគម្របដប អ្នកឈ្នះរង្វាន់នឹងទទួលបានសារដែល មានលេខកូដ ៨ ខ្ទង់ ដើម្បីបើករង្វាន់ជាសាច់ប្រាក់ពីគណនីវីងរបស់ក្រុមហ៊ុន ខេមបូឌា បេវេរេដ ខមប៉ានី លីមីធីត ផ្ញើទៅកាន់លេខទូរស័ព្ទរបស់អ្នកឈ្នះ។
– រាល់រង្វាន់ជាទឹកប្រាក់ ១លានរៀល មានសុពលភាពត្រឹម ១៤ ថ្ងៃ តែប៉ុណ្ណោះ ដែលក្រុមហ៊ុន ខេមបូឌា បេវេរេដ ខមប៉ានី លីមីធីត នឹងរ៉ាប់រងទៅលើសេវាផ្ទេរប្រាក់។ ប៉ុន្តែប្រសិនបើ អ្នកឈ្នះមិនអាចបើកយករង្វាន់ក្នុងរយៈពេល ១៤ថ្ងៃបាននោះទេ អ្នកឈ្នះអាចទាក់ទងមក ផ្នែកសេវាបំរើអតិថិជនលេខ ១-៨០០-២០-២២២២ និងស្នើសុំការបើកយករង្វាន់លើកទី២ ដោយមិនឱ្យលើសពីថ្ងៃទី០៨ ខែឧសភា ឆ្នាំ២០២៥ ហើយការចំណាយនៃការផ្ទេរ ប្រាក់ គឺជាបន្ទុករបស់អ្នកឈ្នះ ។
– ការបើករង្វាន់ជាទឹកប្រាក់ ១លានរៀល មាន ២ ជម្រើស៖
o ជម្រើសទី ១៖
– អ្នកឈ្នះ ដែលមានអាយុក្រោម ១៨ ឆ្នាំ ត្រូវមានអ្នកអាណាព្យាបាលស្របច្បាប់មក ជាមួយ ដើម្បីបើករង្វាន់។
– សូមស្វែងរក ភ្នាក់ងារវីង ដែលនៅជិតអ្នកបំផុត ដោយយកលេខទូរស័ព្ទដែលទទួល បានសារមានលេខកូដ ៨ ខ្ទង់ ពីក្រុមហ៊ុន ខេមបូឌា បេវេរេដ ខមប៉ានី លីមីធីត និងបញ្ជាក់ចំនួនទឹកប្រាក់ទៅកាន់ភ្នាក់ងារវីង ដើម្បីដក សាច់ប្រាក់ ១លានរៀល។
o ជម្រើសទី ២៖ ប្រសិនបើអតិថិជនមានគណនី វីង នៅលើ វីង App អតិថិជនអាចប្តូរយក ប្រាក់បានរយៈលេខកូដ៖
– ជ្រើសយក “Transfer”
– ជ្រើសយក “Code to Wing”
– ជ្រើសយក “Wing”
– បញ្ចូលលេខកូដ ៨ខ្ទង់ ដែលទទួលបានពីកូកា-កូឡា រួចចុចពាក្យ “ខ្ញុំឯកភាពនឹងខ និងលក្ខខណ្ឌ”
– ចុចបន្ត => រួចរាល់
iii) រាល់ការឈ្នះរង្វាន់ជាទឹកប្រាក់ ឬភេសជ្ជៈ អ្នកឈ្នះត្រូវបើករង្វាន់នោះមិនឲ្យលើសពីថ្ងៃទី០៨ ខែឧសភា ឆ្នាំ២០២៥។ រង្វាន់ដែលមិនទាន់បានបើកដោយអ្នកឈ្នះ ក្រុមហ៊ុនចាត់ទុកថាជារង្វាន់ មិនមានការទាមទារ។ ក្រុមហ៊ុន ខេមបូឌា បេវេរេដ ខមប៉ានី លីមីធីត មានសិទិ្ធក្នុងការគ្រប់គ្រង និងចាត់ចែងរង្វាន់ទាំងនោះ។
៩. ផ្នែកទំនាក់ទំនង៖
សម្រាប់ព័ត៌មានទាក់ទងនឹងកម្មវិធី សូមទំនាក់ទំនងទៅកាន់៖
ក្រុមហ៊ុន ខេមបូឌា បេវេរេដ ខមប៉ានី លីមីធីត
អាសយដ្ឋាន៖ អគារលេខ២៨៧ ភូមិមិត្តភាព សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ
ផ្នែកបំរើសេវាអតិថិជន៖ ១-៨០០-២០-២២២២ មិនគិតថ្លៃសេវាទូរស័ព្ទ ២៤ម៉ោង/៧ថ្ងៃ
១០. ទំនួលខុសត្រូវសម្រាប់សារជូនដំណឹង៖
ក្រុមហ៊ុន ខេមបូឌា បេវេរេដ ខមប៉ានី លីមីធីត នឹងប្រកាសជាសាធារណៈពីខនិង លក្ខខណ្ឌ និងអ្នកឈ្នះក្នុងកម្មវិធីឈ្នះរង្វាន់នេះនៅលើបណ្តាញសង្គមហ្វេសប៊ុកផ្លូវការរបស់ក្រុមហ៊ុន។
១១. លក្ខខណ្ឌផ្សេងៗ
– ក្រុមហ៊ុន ខេមបូឌា បេវេរេដ ខមប៉ានី លីមីធីត ត្រូវទទួលខុសត្រូវក្នុងការធានាថា កម្មវិធីត្រូវបានប្រព្រឹត្តធ្វើឡើងស្របតាមខនិងលក្ខខណ្ឌទាំងនេះ។
– តាមរយៈការចូលរួមក្នុងកម្មវិធីនេះ អ្នកចូលរួមឯកភាពលើខនឹងលក្ខខណ្ឌ និងសេចក្តីសម្រេចរបស់ ក្រុមហ៊ុន ខេមបូឌា បេវេរេដ ខមប៉ានី លីមីធីត។ ការមិនអនុលោមគោរពតាម ខនឹងលក្ខខណ្ឌ អាចបណ្តាលឱ្យមានការដកសិទ្ធិ និងការបាត់បង់រង្វាន់។ រាល់បណ្តឹងទាក់ទងនឹងការផ្សព្វផ្សាយនឹងត្រូវ បានដោះស្រាយដោយផ្អែកលើខនឹងលក្ខខណ្ឌ និងច្បាប់នៃប្រទេសកម្ពុជា ។
– ក្រុមហ៊ុន ខេមបូឌា បេវេរេដ ខមប៉ានី លីមីធីត នឹងមិនទទួលខុសត្រូវលើរាល់ការចំណាយរបស់ អ្នកចូលរួម ដើម្បីចូលរួមក្នុងកម្មវិធីនេះ ឬទទួលយករង្វាន់នោះឡើយ។
– រាល់ឯកសារដែលបានថតចម្លងដែលបានផ្តល់ជូនដោយអ្នកឈ្នះទាំងអស់នឹងត្រូវរក្សាទុកដោយក្រុមហ៊ុន ខេមបូឌា បេវេរេដ ខមប៉ានី លីមីធីត ដើម្បីផ្ទៀងផ្ទាត់ និងមិនប្រគល់ជូន អ្នកឈ្នះវិញឡើយ។
– ក្រុមហ៊ុន ខេមបូឌា បេវេរេដ ខមប៉ានី លីមីធីត នឹងមិនទទួលខុសត្រូវ ក្នុងករណី ដែលការជូនដំណឹង មិនអាចផ្ញើទៅអ្នកចូលរួមបានដោយសារកំហុសណាមួយ និងព័ត៌មានមិនត្រឹមត្រូវដែលបានផ្តល់ដោយ អ្នកចូលរួម។
– ប្រសិនជា អតិថិជនដែលមានអាយុចាប់ពី ១៣ ដល់ក្រោម ១៨ ឆ្នាំ ចូលរួមក្នុងកម្មវិធីនេះ ក្រុមហ៊ុន ខេមបូឌា បេវេរេដ ខមប៉ានី លីមីធីត តម្រូវឱ្យពួកគេមានអ្នកតំណាង និងការធានា ពីឪពុកម្តាយ ឬអាណាព្យាបាលស្របច្បាប់ ដើម្បីចូលរួមកម្មវិធី និងផ្តល់ព័ត៌មានរបស់ពួកគេ និងចុះឈ្មោះនៅក្នុង គេហទំព័រផ្សព្វផ្សាយ អនុលោមតាមខនិងលក្ខខណ្ឌ និងគោលការណ៍ឯកជនភាពរបស់កម្មវិធី ឈ្នះរង្វាន់នេះ។
– ក្រុមហ៊ុន ខេមបូឌា បេវេរេដ ខមប៉ានី លីមីធីត, ក្រុមហ៊ុនមេ, ក្រុមហ៊ុនពាក់ព័ន្ធ ដែលអាចហៅរួមគ្នាថា «ក្រុមហ៊ុន» និងភ្នាក់ងាររបស់ខ្លួនត្រូវទទួលបានការយល់ព្រម/ឯកភាពពី សំណាក់អ្នកចូលរួម/អ្នកឈ្នះ ដើម្បីប្រមូល និងរក្សាទុកព័ត៌មានផ្ទាល់ខ្លួន ដើម្បីបង្ហាញដល់ក្រុមហ៊ុន ឬភាគីផ្សេងៗដែលបានអនុញ្ញាត ដោយក្រុមហ៊ុននៅក្នុងការចូលរួមកម្មវិធីនេះ និង/ឬទទួលយករង្វាន់ និងដើម្បីប្រើប្រាស់ព័ត៌មានទាំង នោះ ជាពិសេសឈ្មោះរបស់គាត់ និង/ឬចំណង់ចំណូលចិត្ត និងព័ត៌មាន ផ្សេងទៀត ដើម្បីគោលបំណង ទីផ្សារ ការផ្សព្វផ្សាយ និងជំនួញនៅគ្រប់បណ្តាញ ឬមធ្យោបាយ ទំនាក់ទំនងដោយគ្មានផ្តល់សំណងបន្ត ដល់អ្នកចូលរួម/អ្នកឈ្នះនោះឡើយ។
– ក្រុមហ៊ុន ខេមបូឌា បេវេរេដ ខមប៉ានី លីមីធីត រក្សាសិទ្ធក្នុងការផ្លាស់ប្តូរ ខនិងលក្ខខណ្ឌដោយគ្មានការ ជូនដំណឹងជាមុន។
– បុគ្គលដែលក្លែងបន្លំព័ត៌មាន/ឯកសារត្រូវទទួលខុសត្រូវតាមច្បាប់ជាធរមាននៃព្រះរាជាណាចក្រកម្ពុជា។ ក្រុមហ៊ុន ខេមបូឌា បេវេរេដ ខមប៉ានី លីមីធីត រក្សាសិទ្ធក្នុងការទាមទារសំណង លើការខាតបង់ដែលកើតចេញពីការក្លែងបន្លំណាមួយ ស្របតាមច្បាប់ជាធរមាន។